陳浩民內地趕戲未返港 蔣麗莎 五母子佈置巨型聖誕樹
廣告
仲有半個月就到聖誕節，唔少父母都會同仔女把屋企布置一番，為屋企增添氣氛，陳浩民同太太蔣麗莎(Lisa)往年都會同四名子女一齊布置聖誕樹，不過今年浩民因在內地趕戲未能回港參加，所以惟有把此「重任」交畀老婆同四個仔女，日前蔣麗莎喺微博晒出幾張相，原來佢將四名子女cosplay做聖誕精靈，然後五母子齊齊動手布置巨型聖誕樹，臨尾大合照時阿仔忽然走開，結果相機拍下蔣麗莎捉仔嘅一刻，認真搞笑。
撰文：Sunday Kiss
圖片來源：蔣麗莎微博
陳浩民 內地趕戲
往年陳浩民都會買一棵聖誕樹放置喺豪宅客廳，然後同太太、仔女一齊布置聖誕樹，但今年因為浩民要開工未能一起布置，日前蔣麗莎貼出多張照片，佢好有心思將四名子女打扮成聖誕精靈，然後五母子一齊布置，臨尾仲喺巨型聖誕樹下合照。
太太子女布置聖誕樹
之後蔣麗莎喺微博留言：「四大天王很強哦，本想拍個美美的相片，結果……又以喜劇效果而結，#不可思議的媽媽#你們感受到了四大金剛的威力了吧！」點解咁講？因為四名子女唔係望左望右，就係大仔忽然中途離隊，阿媽捉都捉唔住，真係搞笑！
太太和大女 一齊慶生
早前陳家雙喜臨門，除了慶祝太太32歲生日外，還有大女陳雅薷6歲生日，陳浩民為兩位愛人舉行生日會，十分開心，蕭定一同太太Michelle都有現身，其後蔣麗莎將生日會相片上載微博，大晒一家六口溫馨合照，其中她與大女分別收到生日蛋糕及鮮花，而且陳浩民還向太太送上情深一吻，蔣麗莎說：「自家火鍋+燒烤。昨天收到滿滿祝福和問候。家人+閨蜜+孩子+老公+朋友+你們∼感謝大家對我和雅薷的祝願，在這裏謝謝大家啦∼也願你們能夠平安幸福快樂健康∼愛你們麼麼噠。」
陳浩民 豪宅有私人泳池
早前有傳陳浩民以月租$14萬租住何文田半山壹號複式豪宅，佢哋之所以租住嗰度，全因間屋近子女的學校，而且加上蔣麗莎好鍾意帶四個仔女去游水，間豪宅有成三千呎咁大，仲有私人泳池及無敵維港景，所以揀咗呢度，睇番蔣麗莎的確經常在微博上載同仔女在屋企私人泳池游水相，又會喺露台BBQ！
