飯戲攻心 | 網民列3大必看原因：黃子華有新鮮感！林明禎非花瓶,表現驚喜

《飯戲攻心》引起網民熱列討論，不少網民在連登討論區發文，認為《飯戲攻心》超越其他港產電影，成為今年的第一位。又有網民表示自己不斷入場翻看：「剛剛睇完！好驚訝！冷門地區山旮旯戲院可以full house!」、「大家入場睇，一定唔會失望」、「呢套真係有驚喜，值得入場支持」、「被人嚴重低估」並歸納了電影三點受歡迎的原因。

《飯戲攻心》必看原因 1.笑話不過時

網民大讚《飯戲攻心》的笑位大眾化、易明、沒有用時下熱話抽水，所以無時間限制。戲中經常大玩廣東話笑話、金句，對白貼地，例如在劇中二哥張繼聰的女朋友鄧麗欣其實是大哥黃子華的前度，其中有一幕王菀之和黃子華爭論張繼聰究竟有沒有勾「二嫂」定「義嫂」，被網民大讚親切。除此之外，王菀之和陳湛文的「Double May」對話都令網民爆笑。

網民大讚電影超出預期：「唔使咩特技，飛機大炮，炸到上天，輕輕鬆鬆笑下但又有意思」、「真心有驚喜」、「套戲嘅笑位係可以大聲笑嗰隻」、「好耐未試過睇戲由開場笑到完場」、「場景咁簡單都幾好笑」、「飯氣攻心直程係近十年最好笑嘅港產片」。

《飯戲攻心》必看原因2.選角好 6人有火花

網民又讚黃子華、張繼聰、陳湛文、王菀之、鄧麗欣、林明禎六人拍戲非常有默契和火花，完全做出一家人的感覺。有網民又大讚劇中演員的演技出色，每個角色都好投入，就算不是那一個鏡頭的焦點，每位演員都一樣係在旁邊好自然地演戲，完全沒有群戲式「Hea過就算」的演技：「六個演員都做足本分，交足貨」、「六個演員都各有千秋，無一個係多餘，無一個係投閒置散」、「每個人演戲都唔誇張，啱啱好」。

不少人點名力讚指鄧麗欣和林明禎的演技越來越有進步，比起她們以前的作品，演出非常自然。他們指鄧麗欣令人驚喜，網民指完全沒有見過原來她都可以如此搞笑；而林明禎同黃子華主力幫助推進劇情，是用來化解衝突的重要角色：「林明禎不單只做花瓶」、「明禎呢套演技真係明顯有進步」、「估唔到林明禎都演得幾好，現役演員真係諗唔到邊個可以好似佢咁做啲可愛嘢又唔尷尬」。他們又讚黃子華拋開固有演法，有新鮮感：「唔係做緊黃子華！佢真係演緊一個唔似自己嘅角色。」而陳湛文演活任性、幼稚性格，有點《IT狗》的感覺。

除了六人主演，電影還邀請強勁卡士拍攝彩蛋，包括今次有份投資的古天樂，憑電影《梅艷芳》奪「金像獎最佳新演員」的王丹妮，余香凝、黃德斌、胡子彤，陳毅燊（ANSONBEAN）、吳肇軒、林家熙（Locker）及凌文龍等都有客串。

《飯戲攻心》必看原因3.劇情出色 運鏡一流

網民有指導演是整套戲的核心人物，他無論在運鏡、配樂還是劇情節奏上都把握得非常準確，令觀眾投入於戲中：「《飯戲攻心》真係好好睇， 送禮物個part個運鏡用得好好，室內影出去，本身個shot係第一個窗， 子華想攤牌，之後隔咗一幅牆個畫面就影住明禎同子華」、「運鏡真係幫咗好多，好多幕運鏡都一流」。

有網民指整套電影有舞台劇的感覺，劇情有張力，完全沒有悶場，一家人的故事講得完整，笑完之後都仲可以有感受，是近排少見一個有完整性又好睇的港產片，令人不知不覺間便已經看完整套戲：「拍得幾好，節奏好好」、「笑位大概佔齣戲一半多啲，其餘係感動位同認真劇情位」、「劇本、演員、配樂、拍攝手法以港產片黎講都算上乘，個導演真係有啲料到」。

《闔家辣》無比較無傷害?

網民又把《飯戲攻心》和早前同樣因為疫情而延期的賀歲電影《闔家辣》作比較，網民指兩者同為賀歲電影，但是《闔家辣》的笑位尷尬、又散又亂，而《飯戲攻心》則貼地又大眾化，兩者相比之下高下立見：「嗰啲所謂笑點尷尬到呢」、「近年黃子華最好睇呢套，闔家辣真係比下去」、 「再講多次，睇得闔家辣，無理由唔睇呢套」、「最緊要真係無闔家辣咁無厘頭，但又真係好X好笑」、「闔家辣有啲位太擺明為抽而抽」

網民批評《闔家辣》因為有MIRROR成員參與，所以一直都被粉絲高估了整套戲：「唔係一味有MIRROR就可以搞掂個票房，真心MIRROR佢哋功力未夠」