港男飲茶唔小心爭贏埋單要即場拆利是 12人加二帳單曝光 聰明網民揭穿真相
港男新年飲茶不小心爭贏 焗埋「加二」12人帳單
近日一名港男在Threads發文大呻，農曆新年期間與親戚一共12人到酒樓飲茶吃開年飯，爸爸事前叫他「扮大方爭埋單」，承諾「事敗後畀100元獎金給我」。怎料同桌的表哥「爭都不爭就自動棄權」，更稱「下次佢請返」，結果事主「唔小心贏咗」，最終負責埋單；連同新年酒樓「加二」服務費在內，全單$1,300元變成$1,560元，港男更表示「即場拆利市先夠錢畀」，大呻「無啦啦俾酒樓屈多258元」，他寫道：
「同親戚飲茶，老竇叫我爭埋單，結果我唔小心贏咗，12個人飲茶，$1,300（計埋加二即係$1,302）」
事後問爸爸索錢被拒 懷疑被夾親戚屈餐茶
更令港男不滿的是，事後他問爸爸索錢，怎料對方竟說「大個仔要試下請親戚飲茶嘅滋味」，完全沒有補貼的意思。港男直言「愈諗愈唔對路，懷疑老竇夾我親戚屈我餐茶」，認為整件事可能是陷阱，他被設局埋單。其實，涉事酒樓並無「屈」港男錢，「加二」服務費即是加20%，並非他以為的「加2元」，按$1,300元計算即是加$260元，所以須付$1,560元。
新年飲茶｜三大連鎖酒樓新年茶錢不加價 其中一間派利是$10 附詳情
網民批親戚過分：新年逗利是就咁被騙走
部分網民紛紛批評港男的爸爸與親戚做法過分，「10幾人喝茶，要個後生拆利是埋單，利是是佢自己財產，新年逗利是就咁被騙走，俾老竇其他所謂親戚用咁方式等於屈佢畀請喝茶」，有人更直言「好心12個人去食都不夾錢，呢種親戚認清楚啲，冇下次，事後老竇冇出錢畀仔都不應該，1件事看清身邊人」，建議港男「以後唔好信任何人，包括你老竇」。
有人認為不應斤斤計較：老豆叫得你爭，估你都唔係小朋友
不過網民意見分為兩派，有人認為港男不應計較，「你連卡都無，要即場拆利是咁樣衰？你老豆叫得你爭，估你都唔係十六歲以下小朋友啦 咁成年人，請親戚飲茶其實都預咗，自己人，其實都無乜所謂。除非你真係失業/低收入 咁就只可以小D出席家庭活動啦」、「你今年幾大呀？唔係15、16歲𡃁仔，1餐半餐都咁就真係唔好睇啦」、「以前人哋請你，你而家請返人，大家禮尚往來」。此外，更多網民建議港男應吸取今次教訓，直言「而家呢個年代，邊會仲有爭埋單㗎？人哋見你搶住埋單，人哋就梗係坐定定喇，下次唔好咁傻，仲要成千幾蚊」、「呢啲情況緊係有大食大，邊有做細畀錢㗎？搶畀錢仲戇居，傻的嗎？」
連鎖酒樓分店突宣布結業 街坊愕然不捨 職員爆結業原因 食客需轉往1店飲茶
網民揭穿「港男飲茶拆利是埋單」真相
不過，有眼利網民發現「港男飲茶拆利是埋單」事件終極真相，質疑樓主分享的事件屬「潮文」（Copypasta，曾在社交媒體上被大量複製、貼上並瘋傳的搞笑或獨特文章），表示「呢篇嘢有啲熟口面」、「連登文章出現，又呃到班Threads仔Threads女」、「邊有咁啱飲餐茶可以咁齊頭1,300元呀」。翻查網上資料發現，「香港高登討論區」在2016年曾出現相同內容帖文，樓主疑將內容搬到Threads「翻炒」，再成功掀起熱議。
不過無論真假，這宗事件都反映出港人對過年飲茶埋單文化的不同看法，以及年輕人面對長輩要求時的兩難處境。
