麥明詩自揭李龍基現身婚宴原因連辦3場全為6人忠告勿盡信父母1句話

Apr 10 2024

「十優港姐」麥明詩（Louisa）上月底與盛勁為（Keith）成婚，升呢做盛太，一連搞了三場婚禮的她近日更在社交網分享搞婚禮心得和體驗，當中更自爆了邀請李龍基出席婚宴的原因，有網民讚揚Louisa除了讀書叻之外，還稱讚她連辦婚禮也是「10A」。

麥明詩3場婚宴各有主角

近日，新婚的Louisa解釋舉辦整整三場婚宴的原因，她發文表示：「唔少朋友都問我，哇搞三場婚禮，咪好辛苦！的確係，完事後直情要瞓足成個禮拜先recover到。其實唔係因為想搞到好『盛』大，而係源自於一個儘量make everyone happy嘅初心。由於我和盛生好怕衝突、唔開心，所以我哋好早就決定將婚禮分幾次搞，而每一場都有各自嘅主角。大大小小嘅選擇就因住主角嘅需求而決定。」

麥明詩盛勁為麥明詩坦言這場婚禮馬拉松讓她疲憊不堪，需要整整一個星期才能恢復元氣。（圖片來源：IG@louisa_mak） — 麥明詩坦言這場婚禮馬拉松讓她疲憊不堪，需要整整一個星期才能恢復元氣。（圖片來源：IG@louisa_mak）

第一場：傳統盆菜宴為奶奶邀李龍基表演

關於第一場的婚宴，Louisa指這場宴會以老爺奶奶（盛勁為父母）為主角，遵循圍村傳統，賓主要是老爺奶奶的親戚和朋友。而邀請李龍基做婚宴表演嘉賓。很多人都很好奇邀請李龍基的原因，Louisa透露全為了奶奶，因為奶奶是李龍基的粉絲；她說：「第一場盆菜宴，主角係老爺奶奶。我哋盡跟圍村傳統，賓客絕大部份都係佢哋嘅親戚和朋友，而表演嘉賓方面，就邀請了奶奶很喜愛嘅李龍基先生。」

盛勁為麥明詩豪擺圍村婚宴星光熠熠眾人激讚回禮：果然食腦

麥明詩盛勁為第一場婚宴是圍村盆菜宴。（圖片來源：IG@louisa_mak） — 第一場婚宴是圍村盆菜宴。（圖片來源：IG@louisa_mak）

麥明詩盛勁為原來盛勁為母親是李龍基粉絲，所以盛勁為和麥明詩的圍村婚禮上，邀請了李龍基擔任表演嘉賓。（圖片來源：IG@louisa_mak） — 原來盛勁為母親是李龍基粉絲，所以盛勁為和麥明詩的圍村婚禮上，邀請了李龍基擔任表演嘉賓。（圖片來源：IG@louisa_mak）

第二場：傳統擺酒滿足滿足麥生麥太

來到第二場婚宴，Louisa透露此場屬較為正式的擺酒，以麥生麥太（麥明詩父母）為主角，所有的菜式、流程和程序都是按照雙親的意見來安排：「第二場係正常擺酒，主角就係麥生麥太，菜式、流程、程序等都以佢哋嘅意見為首。圍數全部歸佢哋兩老，只受場地所限而唔使同對家協調，婚紗款色都迎合佢哋喜好。」

麥明詩盛勁為第二場婚宴是傳統攞酒。（圖片來源：IG@louisa_mak） — 第二場婚宴是傳統攞酒。（圖片來源：IG@louisa_mak）

麥明詩盛勁為擺足廿幾圍，滿足了麥明詩的父母。（圖片來源：IG@louisa_mak） — 擺足廿幾圍，滿足了麥明詩的父母。（圖片來源：IG@louisa_mak）

第三場：狂歡派對

最後一場婚宴則完全是新人的天地，一對新人終於可以按照自己的喜好來安排，她興奮地描述：「至於第三場，就係更瘋狂嘅party，主角終於係我同盛生喇。因為之前已經take care咗雙方父母嘅要求，呢次我哋就可以盡情選擇自己鍾意嘅嘢 – 戶外草地、樂隊歌曲、西式食物、無限酒精…爸爸媽媽雖然唔識欣賞，但係都好盡力去嘗試投入。」

Louisa直言分開三場婚禮的安排，成功替二人避免很多衝突：「男女家唔使爭圍數、長輩和後輩唔使爭論食物和形式係中式定西式；頭兩場我和盛生安分守己地做好兒子和女兒的本分，再於尾場玩得好盡興（盡興到啲相都唔出得街）。咁壞處就係… 真係好攰。」

麥明詩盛勁為第三場婚宴是草地party。（圖片來源：IG@louisa_mak） — 第三場婚宴是草地party。（圖片來源：IG@louisa_mak）

麥明詩盛勁為盛勁為更分享了被人狂隊酒後唱《無賴》的影片，可見玩得非常盡興。（圖片來源：IG@keithshing_） — 盛勁為更分享了被人狂隊酒後唱《無賴》的影片，可見玩得非常盡興。（圖片來源：IG@keithshing_）

婚禮後的反思：唔好盡信家人話冇乜所謂

Louisa在分享婚禮經驗的同時，也提醒大家不要輕易相信家人對婚禮的隨意態度，她說：「每人屋企都唔一樣，家家有本難念的經，以上純粹share下我倆嘅經驗。總括來講，我爸爸媽媽、老爺奶奶也是非常隨和，我們非常幸運，而最後似乎各人都開心。不過同時都提醒一句，家人話『冇咩所謂，簡簡單單就OK』呢句說話…ummm…千祈唔好盡信呀！」