大叔打輸機癲狗式發爛渣大鬧將軍澳麥當勞提1無理要求女職員做法獲讚

Apr 14 2026

麥當勞大叔蘋果批｜某麥當勞分店昨日（4月13日）發生一宗事件，一名大叔因蘋果批賣光需等候10分鐘取餐，期間打機輸錢後竟遷怒職員，大聲責罵並要求賠償多一件蘋果批。事件被將軍澳街坊拍下上載至Facebook群組「將軍澳主場」，其三段影片曝光瘋傳後，網民紛紛斥責大叔行為離譜。女職員冷靜應對的專業表現獲得一致高度讚賞。

大叔打輸機發爛渣狂罵麥當勞職員要賠償

事發在將軍澳的麥當勞，根據街坊上傳的影片顯示該名大叔站在取餐櫃枱位置情緒激動，當女職員詢問「你而家係想點？」時，他怒吼「你而家扯X住我把火啊！我扯火啊而家！」女職員保持冷靜回應「你扯火，好，我而家想幫你解決問題」，但大叔立即打斷並解釋發怒原因。他指控麥當勞職員在他等候期間「嘰嘰趷趷」騷擾他打機，導致他輸錢，所以要求職員「催我攞」負責。
影片中顯示，打輸機發爛渣的大叔越講越大聲，夾雜粗言穢語說「你嘈X住我！我攞唔X攞（取餐）我有自由嘅」。當女職員詢問如何協助他時，大叔竟要求「賠囉！賠多嚿（蘋果批）囉」，原因是職員「做錯嘢」令他等候過久。

女職員提供退款方案遭拒

面對大叔無理的要求，女職員耐心追問「點解要賠多嚿（蘋果批）畀你先？」大叔聲稱「你遲咗無去攞啊嘛！我喺度等你啊嘛，啱唔啱啊，你叫我等㗎嘛。咪要賠囉，你做錯嘢！」
女職員重申沒有做錯事，意下不接受賠償蘋果批，但大叔堅持「我嚟攞嗰陣時你無得攞呢，就已經係問題！我等咗十幾分鐘喇已經！」這時女職員轉身到櫃員機表示可以退款，大叔一度同意退款，表示「唔緊要啊，退錢畀我」。
可是在其他後續影片中，大叔最終拒絕退款，更把要求改為「重新炸」蘋果批，並命令職員「即叫即炸」。女職員回應需要等候6分鐘，並表示現在就開始炸蘋果批，大叔表示「我睇住你炸！無問題，等多6分鐘」，更命令女職員「唔好嗌我！我自己過嚟攞！我即刻數6分鐘」。

目擊者透露事件結局：個女職員好叻

上載影片的街坊透露事件結局，表示女職員原本提議退錢但無法退回優惠券，因此大叔拒絕退款，最終職員重新炸製蘋果批給他，「咪又係要等」，結局令不少網民忍不住發笑；又指出「本身一開始係話個紅衫女職員，跟住個男職員行出黎都好有禮貌同佢講野，佢就發洩落個男職員到話佢而家扯起佢把火，之後另一個女職員出黎同佢溝通。」
目擊者大讚該名女職員處理手法專業，「覺得個女職員好叻，無俾個阿叔兇到」，認為她在面對無理客人時仍能保持冷靜和禮貌。影片中可見，當女職員勸喻大叔「不如你冷靜少少」時，他反駁「唔係我唔冷靜啊！我好冷靜啊！」並重申「我自己識嚟攞啊，唔好催我啊！」整個過程中女職員始終保持專業態度，沒有與客人發生正面衝突。

網民狂轟大叔離譜：成隻癲狗咁

影片在Facebook群組瘋傳後，網民紛紛批評大叔行為離譜，留言包括「大吵大鬧呃飲呃食賠十億比你好唔好」、「消費少少，以為自己大X晒」、「成隻癲狗咁，真肉鬼酸，癈佬本色出曬嚟」、「咁巴閉去高級餐廳幫襯啦，不知所謂，欺善怕惡」、「簡直係野蠻人」、「佢講野大聲到成個m記都聽到佢把聲」。不少網民質疑大叔的邏輯，「佢打機輸咗，關職員咩事」、「呢啲大叔擺明搞事大聲夾惡就以為有人怕咗佢」。

麥當勞女職員專業應對獲網民讚賞：寫信讚吓佢

相反，多名網民支持及讚賞麥當勞職員的專業對應表現，「我覺得可以寫信讚下呢幾位員工」、「職員做出氣袋真是慘」，認為職員在面對無理客人時仍能保持冷靜和專業，值得表揚，也有人同情她「呢啲大叔擺明搞事大聲夾惡就以為有人怕咗佢，真係唔明點解職員要忍氣吞聲來遷就呢啲仆街」、「其實麥當勞員工都係打份工，呢個叔咁賤格，有冇易地而處，假若裏面嗰啲員工係佢仔女被人欺凌，情何以堪」，又建議可找商場保安幫忙，「其實如果佢係度搞事係可以搵商場保安搞掂佢」。