黃日華遵亡妻遺願代盡孝6年 沉痛公佈外母離世 5字囑咐天上母女全場動容

黃日華遵守履行亡妻遺願6年 終在病房告一段落

黃日華妻子梁潔華於2020年病逝後，一直履行太太遺願，與女兒黃芷晴共同照顧外母（梁潔華母親），兩父女過往亦曾為年邁的外母舉辦百歲宴。外母近兩年捱過多個難關，102歲的她離世，黃日華與女兒黃芷晴則一直陪伴至生命最後一刻，讓這份延續6年、代亡妻盡孝的承諾，在病房內正式告一段落。

102歲外母離世 黃日華萬般不捨： 記住等埋我

黃日華擔任蕭正楠江門演唱會嘉賓時，親自公開外母離世消息，並憶述：「我同我女喺醫院度，送我外母大人最後一程。佢仙遊啦，不過唔緊要，係一個大解脫102歲。」他形容外母活到102歲已是高壽，「係一個大解脫」，又大讚外母十分堅強。談到對方終可與女兒梁潔華再聚，他最後更深情向天上的外母及亡妻表示：「記住等埋我。」一番真情剖白觸動全場：

「佢真係好堅強，喺呢2年好多難關佢都捱過，佢終於放低呢個包袱，再同佢個女、我老婆，共聚母女天倫之樂，記住等埋我。」

黃日華在台上談及外母與亡妻於天上重聚時，現場觀眾深受感動，焦點亦落在他多年來重承諾及念舊的一面。

孫女黃芷晴發文悼念外婆：見到媽媽未呀？

黃日華女兒黃芷晴在社交平台上載昔日與外婆及母親的多張合照及留言悼念︰「致我最硬淨，最叻叻嘅婆婆：近幾年陪住你出入幾間醫院，捱過一關又一關，多謝你到最後都係咁堅強，辛苦你啦！呢段日子，我哋都盡咗全力互相陪伴，對嗎？多謝你為一家人帶嚟無盡歡笑！能夠見到你一直以嚟都咁快樂健康，係我最安慰嘅事！我會好好懷念一家人相聚食飯嘅日子，係我今世最幸福嘅時光（尤其係你每次都搶先幫我哋吹生日蠟燭嗰個可愛樣！）。見到媽媽未呀？應承我，喺天上要同媽媽互相照顧，無憂無慮咁一同享樂。還需一點時間重逢。Thank you & Love you so much﹗」

黃日華送別兩位至親後選擇退圈

黃日華從走過喪妻陰霾、再送別外母後，更堅定選擇另一種生活。他已表明自己沒有戲癮，基本上退出娛樂圈，不會再接影視作品，現時只會偶爾為好友演唱會擔任嘉賓。從昔日當家TVB小生到守護家人多年，他最後留下的代表作，或許不在鏡頭之內，而在一個延續至生命終點的承諾之中。