黃日華夫婦恩愛34年

Sep 1 2017

梁潔華14年不幸確診急性白血病，喺老公黃日華照顧下成功抗癌，華哥嘅不辭勞苦呵護照料令人感動，係好老公嘅典範。1980年19歲嘅黃日華同早一期（第8期）無綫藝員訓練班師姐梁潔華拍《京華春夢》時認識，繼而發展成情侶，結婚28年雖有風浪但至今仍恩愛如昔，今期搜羅黃日華夫婦珍貴拍拖相，張張都好sweet。

1983年

激罕水着嬉水

82年尾公開戀情嘅黃日華同梁潔華，翌年齊齊水着上陣到清水灣海灘為周刊影封面同專訪，勁搶鏡。

大晒美腿

當年22歲嘅華女嬌小玲瓏，雖然iPad身材，但一對美腿夠白滑。

深情想咀

兩人單膝跪沙灘影相，睇華哥個樣幾冧！

拉埋天窗

1988年黃日華同梁潔華拉埋天窗手牽手走入人生另一階段，惜劉德華同苗僑偉因趕戲嚟唔到飲。

白馬王子新郎

華哥着上同色系結婚禮服，絕對係華女心目中嘅白馬王子。

白雪公主新娘

華女一身高貴銀白色婚紗，同樣係華哥心目中嘅白雪公主。

頻頻大晒幸福

黃日華同梁潔華公開關係後頻頻大晒幸福，去到邊都好似連體嬰咁，愛得如膠似漆。

冧爆含情對望

黃日華同梁潔華拍拖五年嚟一直恩愛，呢張含情對望相sweet到爆！

婚前同拍劇集

繼80年《上海灘龍虎鬥》後，88年梁潔華同黃日華婚前，終於喺清裝劇《太平天國》再次一齊拍劇，但兩人並非演夫婦或情侶。

關鍵詞