黃曉明 拍綜藝不忘小海綿 Baby：囝囝掛住你啊！
廣告
黃曉明 自從15年同Angelababy結婚後，成為咗出名嘅「愛妻號」，年初囝囝「小海綿」出世之後，一家三口非常幸福。日前 黃曉明 到泰國拍攝綜藝節目《中餐廳》時，就趁空閒時間同老婆Angelababy Facetime，以解相思之苦，期間Baby仲話囝囝「小海綿」好掛住爸爸呀！
撰文：Sunday Kiss
圖片：節目截圖
黃曉明 出名愛錫家人，但卻因繁重的工作以致甚少留在家。日前曉明到泰國拍攝綜藝節目《中餐廳》，趁著空閒嘅時間係鏡頭前同Baby Facetime以解相思之苦，Baby仲透露囝囝因為掛住爸爸，霸佔咗爸爸張被！曉明感嘆話：「就眼看幾天不見，又大了，我現在可不願意錯過他這段時間了，每天都長得不一樣。」
曉明與Baby的寶貝小海綿於1月17日出世，當日，曉明仲急不及待在微博上載數張兩人的合照並留言：「想與大家分享一個幸福的時刻：今晨，Angelababy於香港順產生子，曉明哥與家人一直全程陪護。AH夫婦共同有了愛的美好延續，從此1+1=3，這大概就是幸福的模樣吧！」眨眼間小海綿就七個月大，聽到老婆Baby話囝囝掛住自己，一定好想飛奔返屋企陪囝囝啦！
婆媳關係極好 曉明媽望 Baby 最少生6個
之前曉明媽上節目時，談到兒子及媳婦Baby時，對Baby更是讚不絕口。曉明媽指自己和Baby不像婆媳，反而更像媽媽與女兒，大讚Baby「特別孝順」。曉明媽指，Baby於綜藝節目內不斷撕別人的名牌，就好似一個女漢子咁；事實上Baby私下其實係一個溫柔體貼乖乖女，放假唔使工作時，好少出街，大部分時間都會留喺屋企畫畫或者練習書法。言談間，都感覺到曉明媽對Baby極度滿意，難怪曉明大哥同曉明媽媽都錫晒佢啦。另外曉明媽在節目中曾透露希望多子多孫，Baby最好生夠6個！曉明大哥係屋企獨生仔，又係一個超級孝順仔，當然會聽媽媽的話啦！
全文完
