黃澤鋒58歲陳麗麗7個月巨肚曝光 親揭身體2問題 回應「咁高風險仲懷孕？」
陳麗麗將開刀誕第二胎 懷孕前身體2大問題令安德尊驚訝
黃澤鋒一家三口現身TVB節目《流行都市》受訪，挺著七個月孕肚的陳麗麗透露自己將於9月初開刀剖腹誕第二胎，並分享選擇人工受孕的原因。她說：
「9月初（BB）就會面世，我哋都係決定開刀，因為上一胎係開刀，所以今胎醫生建議都係開刀，安全啲。」
至於接受人工受孕其中一個難處，就是陳麗麗自身原本的身體狀況並非太理想，「本身個肝有事，而且血壓嘅問題，對身體調節係有啲影響」，故此醫生給了夫婦二人好多意見。主持安德尊得悉陳麗麗的身體狀況後即驚訝問「咁高風險，你仲去懷孕？」
對此，陳麗麗解釋，面對高風險，必須與專業團隊深入討論後才作出決定：「其實所有嘢都有風險，我覺得係生理、心理要調節！」老公黃澤鋒補充說，家庭會議是必不可少的，亦坦言明白人工受孕的風險，以及有同齡人多次嘗試都失敗收場。
黃澤鋒sweet爆示愛老婆
面對可能的壓力和公眾的批評，陳麗麗認為心態非常重要，而黃澤鋒則表示他會努力賺錢，承擔家庭的責任：
「一個女人去到呢個年紀仲同你生，你要對人好，唔可以諗好多嘢令佢唔安心。」
黃澤鋒亦指雖然有人批評他們的決定，他回應道：「香港人開心啲啦！我成日覺得，好又過一日，唔好又過一日，我哋做好多嘢都會有唔同人俾意見。咁又無，如果佢鬧完我開心就由佢。做藝人要帶俾大家歡樂，正面訊息。我哋呢個年紀都百毒不侵，你講咩我都一笑置之。」
陳麗麗勉勵同路人唔好灰心
目前懷孕七個月的陳麗麗勉勵那些也想要小朋友但已過黃金生育年齡的人不要灰心：「其實香港地仲有好多，好似我哋過咗黃金期，又想要小BB嘅人，我哋收到好多私訊，因為身邊無支持，缺乏數據，亦都怕羞，就算唔係名人沒有輿論，都仲有身邊人，我覺得係好需要屋企人支持，依家有我呢個個案，唔好介懷，勇於嘗試，香港醫療係好好。」
黃澤鋒則表示，無論遇到什麼困難，都要保持積極和開心的態度，繼續努力。
小黃妃冧爆舉動獲網民讚賞
陳麗麗更表示即將做家姐的小黃妃已經承諾會幫手餵奶及換尿片，而向來談吐「老積」的小黃妃期間更不時溫柔撫摸媽媽的肚皮，相當愛錫媽媽及即將出世的妹妹，冧爆舉動獲很多網民大讚！
小黃妃平日參加5個課外活動
此外，小黃妃被主持謝芷倫詢問參加甚麼課外活動，她就淡定回答︰「我有英文、攀石、珠心算、游水，仲會教拳！」安德尊好奇問她如何教，小黃妃表示會跟媽媽一起教拳。問到那麼多課外活動會否令女兒壓力過大，爸爸澤鋒表示會量力而為，如果囡囡太辛苦就不迫她，加上時代已經不同，這個年代要跟小朋友有商有量。
不過在回答爸爸黃澤鋒「係咪好惡死？」的提問時，小黃妃就爆笑稱「佢成日激我！激到我好嬲！我咪嬲囉！」
