黎彼得

愛回家|黎彼得做手術陷經濟困難 黃宗澤出手相救 揭賣報紙到頂級詞神之路 自爆虧久前妻仔

熱話

廣告

《愛回家 之開心速遞》日前播出的一集,由熊樹根(劉丹飾演)和譚道德(陳榮峻飾演)口中得知到原來他們的老友「尋寶圖」職員豹叔(黎彼得飾演)到了加拿大探親。其實黎彼得之所以劇中消失了一段時間,是因為他在幾個月前身體抱恙,需要接受通波仔手術,早已向劇組請假做手術兼停工休息,所以暫時不能在劇中與觀眾見面。

黎彼得
(圖片來源:TVB《愛回家之開心速遞》截圖)

因《我的野蠻奶奶》與黃宗澤結緣

黎彼得於大約於三個月前因眼腫漲而去找醫生並接受檢查,就發現自己血管收窄,做心臟掃描時發現有兩條血管堵塞,醫生的建議是他立即進行「通波仔」手術,否則可能會有生命危險。經過停工休息後,現時已經康復痊癒。他已向公司報告請假做手術,未獲得任何工作安排,私家醫院的十萬元檢查費用,再加上做手術的廿萬費用,龐大的支出令他十分傍偟,在手停口停下的經濟頓時出現困難。幸好多得「契仔」黃宗澤(Bosco)伸出援手,提供經濟上的幫助,令到他感到人間有愛、患難見真情。原來他們是在2004年拍攝《我的野蠻奶奶》時結緣,黃宗澤知道其健康狀況後主動資助醫療費用。

黎彼得
(圖片來源:TVB《我的野蠻奶奶》截圖)
黎彼得 bosco多年在接受訪問時講出對peter哥的感覺
bosco多年在接受訪問時講出對peter哥的感覺(圖片來源:youtube@TVB (official))

才子詞神曾製作多首名作

黎彼得現年71歲,在《愛回家之開心速遞》中飾演豹哥,演出非常生鬼,但其實他是一代頂級填詞人。他活躍於70至90年代粵流行曲詞壇,創作過不少為人熱播的作品,如早期和歌神許冠傑合填的《加價熱潮》、《賣身契》,後來有譚詠麟的經典情歌如《愛人‧女神》、《天邊一隻雁》,梅艷芳的《將冰山劈開》及張國榮的《Monica》等,每一首都是琅琅上口,是巨星的名作。他曾接受香港電台節目《舊日的足跡》訪問,大談他當年被發掘的經過:「第一首歌係二次創作叫《傷心淚》,我將《相思淚》改詞,估唔到譚炳文喺《歡樂今宵》演繹出嚟,大受歡迎,隨後第二隻真正創作的就係溫拿嘅《玩吓啦》。」許冠傑透過朋友主動結識黎彼得,兩人一見如故,黎彼得說:「當時好似乞衣見王子咁,佢已經好紅,無諗過原來佢有睇我專欄,叫我寫啲詞畀佢作歌,就推出《浪子心聲》呢隻歌,佢係我恩師。後來佢認為我唔應該做司機,介紹我去嘉禾同TVB做編劇,於是正式入行。」

黎彼得 觀眾對豹叔的表現都非常欣賞
觀眾對豹叔的表現都非常欣賞(圖片來源:TVB《愛回家之開心速遞》截圖)

而由他所填詞的《Monica》原來其實是講述對自己與初戀情人分手之後的感覺,更直言這個女友是一生最愛,他在訪問中就說:「呢個女友好欣賞我才華,我亦好愛佢,一齊三年之後,佢屋企人覺得我無前途,於是和平分手。直至39歲我太忙得到肝炎入醫院,出院費用20多萬,同年稅局又追我10多萬罰款,我無錢到要賣樓。當時失業又冇錢,所以冇啦啦走去結婚,係唔相愛呀,不過叫做有緣喺埋一齊。」

黎彼得 這首更是peter寫給初戀情人monica的歌
這首更是peter寫給初戀情人monica的歌(圖片來源:youtube@mytv super)
黎彼得
(圖片來源:youtube@TVB (official))

因一個女人跟許冠傑兄弟情不再

黎彼得跟許冠傑「兩為一體」在歌詞上的合作,產生了不少化學作用,成就了不少好作品。曾經被問到為何合作七年後就停產,他解釋:「大家總係覺得Sam總係掛名行頭,我黎彼得行後,其實我唔介意,難得有人畀我出名喎,其實佢無必要出我名呀!不過佢覺得唔太好,於是分開寫,最後一隻合作係《紙船》。當然,唔多唔少會影響到友誼,事隔廿幾三十年都無見面,連通電話都冇。」他表示當時其老婆不滿二人行得太埋,形容跟Sam的關係就像分手情侶:「佢老婆都唔想我出現,我次次上佢屋企傾通宵,佢老婆都要獨守空幃,次次Sam都話老婆投訴,加上佢原本唔煙唔酒,同我一齊就學食雪茄、飲香檳,我算係少少損友啦,不過只係教佢享受人生啫!」

自幼家中清貧 曾歷失婚

黎彼得人生經歷生高低跌宕,自幼喪父家貧,與母親相依為命,年紀小小在12歲就出外打工養家,只有小五教育程度,曾做過送信、洗廁所、打雜、油站入油員、的士司機、私人司機等等的職業。

其情路更是坎坷,與前妻育有一子,卻因為工作關係繁重,與家庭關係疏離,而導致對方決定離家,兒子就交由工人照顧。他試過因工作半年沒有回家,對兒子感到虧欠:「要搵食,我同個仔有個共通點,就係又係一條友,同佢冇乜父子情,無仇不成父子,我同佢在心中。18歲時佢阿媽曾經想帶佢返去一齊生活,但相處一陣又頂唔住返我度。」他表示現在兒子已經30歲,在南京讀畢中西醫,但父子緣薄。據知兒子因身處南京工作,也不便聯絡,但他亦感到人生無悔,指曾經帶過歡樂給歌迷和觀眾,已是人生一大樂事:「佢至今都未搵過一亳子返屋企呀。正所謂:『家貧出孝子』,你想要家貧定要孝子?人生既然咁矛盾,就唔好諗咁多,坦白講,我今生無悔,小學未讀完就寫到咁多歌詞,最重要係將歡樂帶畀大家。」

黎彼得 他亦自嘲自己是一個普通人
他亦自嘲自己是一個普通人(圖片來源:youtube@TVB (official))

黎彼得與黃宗澤怎樣認識的?

黎彼得與黃宗澤是在2004年拍攝《我的野蠻奶奶》時結緣,黃宗澤知道其健康狀況後主動資助醫療費用。黃宗澤稱起初覺得黎彼得… 詳情

黎彼得為何最近沒有參與《愛回家》的拍攝?

黎彼得之所以劇中消失了一段時間,是因為他在幾個月前身體抱恙,需要接受通波仔手術,早已向劇組請假做手術兼停工休息…詳情

圖片來源:TVB《愛回家之開心速遞》截圖,TVB《我的野蠻奶奶》截圖,youtube@mytv super,youtube@ TVB (official)