193

193郭嘉駿偶像是陳冠希讚影相叻 揭心理系學生到明星之路 為養家克服負評

熱話

廣告

193 郭嘉駿@ERROR斥資7位數字開cafe,卻被指呃錢,被《愛回家》以角色「蔥頭」暗寸。近日獲邀上ViuTV節目《MM730 – Auntie妳好》,一向出名爽直的193遇上媚姨即大發笑彈。

193郭嘉駿兒時偶像是陳冠希 大讚對方影相叻

193指兒時偶像是陳冠希,大讚對方很緊貼潮流,勇於表達自己,並笑言對方影相好叻,主持媚姨即爆肚:「個個都知佢識影相…佢鍾意影某個部位呀嘛!」嚇到一向敢言的193和保錡(吳保錡)也即刻大叫提醒媚姨不要亂說話,指對方誇過自己。而講到現時偶像,他指是古天樂,他很欣賞對方用行動去支持後輩,回想ERROR初出道時,對方亦曾有幫忙提攜他們。193指藝人身不由己:「好多藝人都係做咗好多唔想做嘅嘢,先可以做到最後想做嘅事情。我地都做咗好多唔想做嘅嘢先令到有人識。咁可能你唔想做嘅嘢先係人哋想睇。」

193
(圖片來源:ViuTV《MM730 – Auntie妳好》截圖)
193
(圖片來源:ViuTV《MM730 – Auntie妳好》截圖)

Band1畢業+英國讀心理學+籃球校隊

193入行前可謂文武雙全,小學時受到喜愛踢足球的爸爸影響,參加麥當勞青少年足球計劃。但之後因為看了NBA總冠軍戰,他開始對籃球產生興趣,後來憑身高、技術優勢入選南華籃球少年隊,並擔任中鋒。

他曾就讀於國際英文幼稚園、拔萃小學、Band1B的何明華會督銀禧中學,中五會考後到英國升讀預科,再考入威爾斯班戈大學修畢心理學榮譽學士課程,能操流利英語。他提到自己是一個「做咗先算」的人,事事想做就做、不理後果,為此他感激開明父母一直支持他,從不規限、限制其發展,讓他成長更自由。

193
(圖片來源:[email protected]skwok193)
193
(圖片來源:[email protected]
193 193憑身高、技術優勢入選南華籃球少年隊,並擔任中鋒。
193憑身高、技術優勢入選南華籃球少年隊,並擔任中鋒。(圖片來源:[email protected]

畢業後,193曾在時裝公司任職採購員,亦有報名參加TVB藝員訓練班,唯未有被取錄。2018年,他參加ViuTV歌唱真人騷《全民造星》於40強止步、後加入組合ERROR正式出道。他向來敢言,曾於《花姐ERROR遊2》暗寸花姐「大隻」、暴躁、是不稱職的經理人等。之後193在出席《最後一屆口罩小姐選舉》總決賽回應傳媒時寸爆TVB:「J2係咩嚟?」、「係唔係40幾歲仲話自己係後生仔『傾吓偈』嗰位?」

193
(圖片來源:ViuTV《全民造星》截圖)

延伸閱讀:193郭嘉駿cafe曾停業1日?網民投訴三宗罪:呃錢、貨不對辦

拍攝籃球劇是193的兒時願望

193曾接受Do姐鄭裕玲商業電台節目《口水多過浪花》訪問,Do姐就問到193在忙甚麼,而193就借機寸Do姐︰「同你最愛嘅姜濤拍嗰套《季前賽》,我知道 !你只Follow姜濤同王嘉爾 。」 Do姐面有難色地回應︰「唔係,我個個都愛,你唔好咁講,Follow兩個人係我風格啫 ,其實我個個都愛㗎!」但問到有否追蹤193的Instagram,Do姐迴避不答。講到《季前賽》非常適合193去拍攝,193非常高興地說:「真係好開心,由細到大我都好中意打籃球,我就幻想拍籃球劇,竟然成真囉今次,我為咗呢套剷剪咗頭髮,我髮尾好長㗎!」

193
(圖片來源:[email protected]

Do姐指193長髮乞人憎 193反批不懂潮流

Do姐讚193為新劇《季前賽》而剪嘅短髮造型好睇,她指他在MV的長頭髮「好乞人憎 」,193反而指出Do姐不懂現今潮流,為自長頭髮作出辯論︰「嗰個係非主流啲、偏峰啲,我好鍾意,因為係帶領潮流,啲髮型師話有啲人,攞住我呢個參考話要跟住剪,連細路仔都話要剪呢個頭。嗰個髮型潮流嚟㗎,Do姐,呢個係狼尾頭!」其後Do姐問到193對自己新髮型的睇法,193再回應︰「唔係特別好睇,點都唔夠Anson Lo、 姜濤呢啲偶像髮型好睇,但係一個標誌性。」Do姐就堅持短髮的193才稱得上精神,193亦搬出「大台定律」︰「我依家有少少似,你哋個台啲藝員、小生呢,一定唔染髮,唔留鬚,我嗰日照一照鏡,乜咁似楊明同王浩信。」Do姐聽到193稱隔籬台為「你個台」的時候,她即時反答︰「你唔好咁樣講,我都好耐無拍劇。」

193
(圖片來源:[email protected]

193請林明禎都有計過度過

講到能夠邀請到大馬女神林明禎擔當MV《再次PuppyLove》的女主角,被Do姐形容為「生意佬」的193,原來確實是有目的,193解釋:「佢可以幫我刷個點擊率,而今次真係成功。林明禎非常好,只收我一個非常友情嘅價錢, 又交足戲、又靚。」Do姐反問:「MV一定要有女主角嘅咩,唔可以你一個擔晒嘅咩?」193就回應: 「我擔唔起個點擊率,我計過條數,雖然我都有啲人睇嘅,我最緊要係搵啲唔同我界別嘅人囉。」

193
(圖片來源:[email protected]

193數口精Do姐稱193為企業家

Do姐得悉193為MV出錢出力,問到為何他要親力親為,193解釋︰「花姐問我:『如果今次你呢首歌想派,咁不如遲啲先派,等埋個預算先出MV。』而我又心急,咁我今次用自己錢,之後有預算我咪可以出多首歌 ,我驚出完呢首冇其他歌,咁花姐應承咗下一首歌有預算,今次我好多謝拍膊頭幫我嘅人,佢哋收我一個好低廉價嘅酬勞,同我拍咗22個鐘都無怨言。」Do姐問到他有否「萬歲」現場的義氣朋友以作慰勞,193非常精打細算,更指宵夜有廣告商贊助。Do不禁讚賞193:「真係無嘢走得出你手指罅,你咁識計數,你咪好快發達?」

另外Do姐問到193的生意︰「嗱!我唔知由幾時開始就收你好多禮物呀193! 你依家係咪一個小型嘅企業家?」193回應:「 好小型囉, 純粹係做啲小生意,做下少少外快,分享自己鍾意嘅嘢畀人咁樣!」Do姐亦就曾經收過193的禮物盒,裡面全都是以他所創作的公仔製成的利是封、攬枕。193就解釋公仔創作意念:「品牌入面有幾隻公仔當係吉祥物,有一隻係班鳩,其實即係我嘅化身,係我嘅髮型,睇個樣都有少少似我,唔知點解隻動物會似我,就係我其中一個icon,跟住火柴人係入面一個icon,同埋有一個Q版嘅我。」

Do姐很好奇會不會有人想利用他的名氣搞生意:「人哋覺得依家你好紅,就簽你埋嚟,叫你一齊做生意,你唔洗理㗎,我地就分返嚟啲紅股畀你,之後我哋就搞喇,你出個名架咋,係咪咁呀?」193承認遇過不少這類人,有九成已經推掉:「我都想自己親力親為,一個陌生嘅人嚟搵我始終信唔過,同埋我身邊有個Styler都會幫我處理,因為佢係PR,都係我朋友,佢識好多人,佢幫我揀走咗有啲可能係淨係攞我著數或者攞我個名嚟做一啲嘢,佢會幫我揀啲好啲嘅,我哋會再開會傾係咪真係可行。」

193
(圖片來源:[email protected]

百足多爪全為養家 坦言怕無收入影響家人

193透露賺錢是為了未來︰「我點解成日覺得要計好條數,快啲搵錢,因為呢一行見好多前輩,或其他藝人身上,睇到呢行係好唔穩定,真係好驚會突然間停咗。無收入咁點為生?唔做呢行仲可以做啲咩?如果我無錢,屋企人又點呢!」Do姐有點驚訝32歲的193想得這麼長遠︰「嘩,你已經諗咁多嘢!既然你咁識諗,有無想過花無百日紅,到時受唔受得住?」193表示他早有預計未來:「受得住,所以做咁多嘢就係為唔穩定嘅將來作打算。如果之後唔紅又無人識嘅時候,至少我仲有一間Cafe同服裝品牌運作中。」

193亦提到 ERROR四子都有談及過一起做生意:「呃錢嘅嘢我哋最鍾意諗,我哋各自都有做緊唔同嘅生意,因為大家都唔知未來,我唔知佢哋點諗,但我知佢哋都需要錢,哈哈!因為大家都唔係出身富有家庭。希望賺到筆錢至少養活自己,當然希望可以養家。」可見各人都非常會為未來準備。

193
(圖片來源:[email protected]

圖片來源:ViuTV《MM730 - Auntie妳好》截圖、ViuTV《全民造星》截圖、[email protected]_do_cheng,[email protected] deniskwok193,[email protected]資料或影片來源:https://www.youtube.com/watch?v=sxjqYH43vtk

你又點睇?

更多精選內容