4歲遭母離棄 太太不離不棄 張頴康 終夢想成真
廣告
在大熱劇《一屋老友記》中飾演「三寶」的 張頴康 ，入行至今不經不覺已16年，日前佢在《TVB馬來西亞星光薈萃頒獎典禮2016》勇奪飛躍進步男藝員獎，終於奪得演藝事業首個獎項！張頴康在台上多謝老婆麥雅緻一直支持自己追夢，一番感言令萬千觀眾喊爆！張頴康擁有幸福家庭，事業開始順利，但原來佢曾經有一個孤苦童年？
撰文︰Sunday Kiss
張頴康 TVB十年歲月
今年34歲的張頴康加入TVB的日子不短，不過一直以來都係做一些三、四線的不起眼角色，但佢一直都沒有放棄，最後成功入屋！其中《回到三國》中傻頭傻腦的范根、《師父·明白了》中的冷酷殺手「江太平」，以及《愛我請留言》中飾演何志安等，都獲觀眾的讚賞。不過說到令佢成功上位的角色，當然係《一屋老友記》的「三寶」！
憑「三寶」首奪獎
努力多時，張頴康在日前舉行的《TVB馬來西亞星光薈萃頒獎典禮2016》中，奪得「飛躍進步男藝員」一獎，亦係佢入行16年來首個獎項。張頴康在台上表示，自己六年前因需要錢成家立室，所以轉行做一個要中港兩邊走的文員。誰不知某日發生車禍，佢就回想自己十年來連配角都未演過，好唔甘心，所以決意重返TVB！當時太太麥雅緻就講咗句︰「你繼續發你嘅夢啦，錢唔好再諗，屋企由我嚟頂！」
坎坷童年
除了演藝路上波折重重，張頴康原來亦有個孤苦童年。佢曾透露母親在自己4歲時離家出走，所以自小由祖母照顧；至於父親則在佢10歲時另娶內地太太，從此兩父子分隔兩地，關係漸行漸遠。雖然缺乏母愛下成長，不過張頴康並沒有走上歪路，只是性格變得內向寡言。
另外張頴康堅持以自己真名出道，而且一直好好保存自己與母親唯一的合照，就係希望他朝可以與母親相認！雖然能否母子重逢仍是未知之數，不過相信觀眾一定睇到佢的付出，繼續支持佢發個好夢，「坎坷過後有艇搭」！
幸福一家三口
為彌補童年遺憾，張頴康一直希望盡早成家立室，佢在四年前迎娶同為藝人的麥雅緻，婚後兩年誕下可愛女兒小豆，一家三口樂也融融！張頴康亦曾坦承，全靠老婆填補了佢心靈上的缺口！日前麥雅緻與囡囡接張頴康機後，繼續一貫慳家作風，三人去咗一間平民酒樓食至愛的羊腩煲慶祝。而張頴康更透露老婆其實係唔食羊㗎！純粹係陪老公，真係好到爆呀！
全文完
