84歲港伯哭訴被內地嫩妻逼入絕路 眾叛親離呻無助 網民：唔抵可憐！

84歲港伯哭訴被細29年內地妻逼離婚：佢鍾意我啲錢同我間屋

受訪中，84歲的伯伯拍自己每天都會工作8小時賺錢，主要替人「睇住檔口」賣手機殻。他指自己太太離世14年，10年前經鄰居介紹下娶了一名當時45歲的內地女子，豈料結婚第3年，這位填房已要求跟他分床睡覺。「初初結婚時有張大床，而家大床都無埋，我瞓廚房對出一張床，佢瞓廳嗰張床」，2公婆分床睡，更甚的是太太終日叫離婚，但離婚後的所有開支都要老伯支付。

每日收入$800　幾乎日日清

「佢鍾意我啲錢同我間屋㗎咋，可能佢嫌我老，佢日日都話要離婚，但離婚所有開支都仲係要我畀，我開支好大」，當中的開支包括租金、柴米油鹽、包食包住、任何她需要買的東西、水費、電費、煤氣費等。伯伯指，現時時薪為$100，每天收入$800，但都所剩無幾，事關他現時會每天給填房$400、填房每天收取$100煮早、晚餐給他、雜費等，每日可謂「無咩錢剩」。

而內地妻日日叫離婚，但有時又會反口稱不會離，指「就算離婚都唔會走，呢間屋有一半都係我嘅，我會住喺度」。

「養大3個仔，無一個理我」

除了內地妻逼到老伯生活上絕路外，老伯提到自己有3名兒子和4名孫子，但通通無一人探過他，「養大咗3個仔，無一個理我㗎，個個都係大學生，好叻」。而拍片者聽罷即指「哎喲，我真的聽得好心酸」，伯伯更不時用紙巾抹眼淚。

網民：根本一啲都唔抵可憐

網民看到老伯的故事後，反而認為一點兒心酸的感覺都沒有，反而指「抵死」。事關大部份網民都指「自作孽不可活，3個仔唔理你一定係以前做過啲嘢」、「好心你自我檢討吓，唔係到咗眾叛親離嗰吓先嚟扮可憐」、「做吓Happy伯咪算，仲帶入屋，臨老個竇都畀人搶埋」、「條女唔係貪你錢同有間屋，唔通貪你老而彌堅咩」、「個個阿伯臨尾都要玩返劑娶大陸女，我呀爸就係廿年前離婚北上娶大陸老婆，之後又係離婚，同我哋一直無聯絡，前排先知原來佢香咗，有人打嚟問我會唔會辦身後事，我一句不了就收線，阿伯好明顯啦」、「娶到個細你29歲玩吓咪算，都一把年紀」。