Carousell賤價求買全新BB車被賣家一句K.O！網民：當眾行乞？

Mar 24 2023

近年愈來愈多人網購，有時候更比實體店購買便宜，相當實惠。但早前有Carousell賣家在網上分享自己被壓價的經歷，問價者自稱低收入家庭，企圖以近三折低價購買全新未開箱名牌BB車。賣家認為問價者十分無理，最後更忍不住發文鬧爆問價者。網民力撐賣家，更指問價者極無恥！

賤價求買全新BB車：低收入家庭

事件被分享至「Carousell 乞衣+西客關注組」，賣家講述自己於Carousell出售一架法國品牌Babyzen的YOYO嬰兒車，該款車由於輕盈易推，深受香港父母愛戴。由於個嬰兒車全新未拆封，賣家定價為$3,080 ，比原價$3,500至$4,500仍便宜了不少。未幾一名買家聯絡她，表示自己「低收入家庭，畀BB用」，開價$800，見賣家未有回覆便再次訊息聯絡，賣家唯有好聲好氣請對方「考慮一下二手車」。

carousell 講價 Carousell Carol手上一賣家被自稱「低收入家庭」西客開極低價。 — Carol手上一賣家被自稱「低收入家庭」西客開極低價。（圖片來源：《奶酷陷阱》劇照）

carousell 講價 Carousell YOYO 嬰兒車輕盈慳位，是法國知名品牌，在香港非常受歡迎。 — YOYO 嬰兒車輕盈慳位，是法國知名品牌，在香港非常受歡迎。（圖片來源：Babyzen官網）

講價不成質疑賣家是商戶

買家只是唯有「退一步」，加價至$1,000，希望能夠用賤價買到高檔全新BB車，賣家仍然超好耐性向對方解釋「$1,000二手都買不到」、「低收入可以買平價BB車，沒必要買貴嘢用」。豈料對方壓價不成，便質問賣家「你是商家？」，暗示對方不是商戶便不應以高價出售，氣得賣家當場霸氣回應「我並非商家，但冇責任照顧你哋低收入家庭」、「你要找社會福利署」一句K.O.買家！

carousell 講價 Carousell — （圖片來源：TVB《親親我好媽》劇照）

carousell 講價 Carousell Carousell上特別多西客？ — Carousell上特別多西客？（圖片來源：FB@thecarousell）

網民：當眾行乞系列？

事件一出即惹來網民於留言區集體恥笑，直指買家不尊重之餘有道德綁架的嫌疑，低收入家庭便應該衡量自己負擔能力而考慮相應價格的產品，而非強行要求別人低價出貨，「人哋冇責任體諒你照顧你」，情況好比「低收入家庭買豪宅叫發展商一折賣畀佢」，更有網民認為很多西客都鍾意「扮學生，扮孝子，扮傷殘，扮低收入家庭」，不如「一開始直接講，我係正宗乞兒，條氣會順啲」！

carousell 講價 Carousell （圖片來源：FB@Carousell 乞衣+西客關注組 — （圖片來源：FB@Carousell 乞衣+西客關注組

一日後賣家更新後續買家繼續厚面皮

未知是有人通風報信還是西客見到自己被網民圍插，竟然於Carousell上更改用戶名稱後再次聯絡賣家，質問「有人話你放咗啲對話上網？我開價錢，你唔買咪算囉」，但樓主直言「我講嘅全部都係事實，我亦都冇加入去討論你」，賣家唯有繼續死雞撐飯蓋，「我見你全新，咪問你係咪商家，都好正常啊，如果係商家我唔問啦」，令網民更加用力恥笑，根據對方邏輯如果「唔係商家就係善堂」，「應該3折，最好免費」！