補習天王DickHui取笑男學生名Liana似女仔 被3千網民聲討＋NGO發公開信

數學補習名師DickHui取笑男學生名似女仔

昨日DickHui受邀到一間中學出席講座，期中他向一位男同學問：「男同學你叫咩名？」男同學回答：「Liana。」DickHui因為認為Liana是女仔名，忍不住再問一次：「你…係男同學?」男同學點頭確定，DickHui公然回答：「你叫自己Liana咁變態？」惹來全場同學哄堂大笑。

DickHui將事情上載到他個人的社交平台上，表示是次到校演講，是很開心的一場講座，完場後老師仲向DickHui說：「平時佢地上堂未試過咁專心。」事後DickHui仍對男同學感到十分疑惑，質疑他是否真的名為「Liana」：「果（嗰）位男同學究竟係玩我？定…Baby你…真係…叫…Liana？」

有網民支持只是玩笑一個

事件一爆出，不少網民熱烈地討論，有網民認為DickHui開的玩笑能夠令全場哄笑，其實沒有問題「全場大笑即係覺得佢無問題」亦有人指DickHui只能當成用詞不當：「最多係用詞不當，講個咁古怪嘅名，人哋覺得有問題好出奇咩？」亦有網民表示大家毋須太認真：「佢只係叫做有啲名氣」。亦有曾是其補習學生的網民力撐他說話生動有趣：「無可否認佢係教得幾好喎，十幾年前到依家都仲撈得到應該冇乜幾個。利申: 以前數學麻麻補完有B，因為佢生動有趣成功令我專心聽」

更多網民反對 批評為人師表應以身作則

但大部分的網民為「Liana」同學作出聲討，指DickHui的「Dick」本來的意思就是有男人私處的意思，不應該去恥笑別人：「佢叫自己Dick…」、「仲要係虛」、「自己改個咁嘅名都仲敢去笑人」。

又有網民表示DickHui是「識少少扮代表」，視野短而窄﹐思想古板，指女仔名並不等如只能讓女士使用：「通常係女仔用，唔代表100%都係女仔用，又一個X出國際嘅老師，見識少係到以為自己好有趣」、「google完Liana係植物名嚟，條友真係唔識㗎喎，係a字尾就話女仔名」、「諗起男足球員叫Ángel Di María，有男籃球員叫Tracy McGrady」。

有網民指身為老師的他應以身作則：「不知所謂、口沒遮攔，隨便話學生，仲話爲人師表」、「上過dick堂極自大」、「上堂講gag講小學雞嘢都算，當你係幫學生記嘢就算，對街外都要講呢啲 bad taste joke」又擔心那位「Liana」同學會因此蒙上心理陰影：「全校面前咁講個同學，呢位同學會被笑到畢業」。

民間團體發出公開信

民間團體「Midnight Blue 午夜藍」在事件發生後於社交平台上向DickHui發出公開信，指出他身為一位老師，不應該令學生們認為「玩笑」是可以接受的。

今日DickHui回應有關爭議，並致辭：

全港學生過10萬 為皇牌導師

DickHui有「會考滿分狀元」稱號，先後於香港大學及美國加州柏克萊大學修讀心理學 ，是香港大學數學教育碩士，曾親身參與首屆DSE文憑試，於必修及延伸輕易取得全5**。他自稱是97%學生推薦的「數學權威」，獲香港電台譽為數學科「萬王之王」。他曾獲邀為香港大學教育學院講座主講者、學友社邀請擔任多屆公開試分析講座主講者、教育局、星島日報、青年協會大型講座的數學科主講者﹐同時是香港電台及商業電台DSE節目數學科主持，也接受過各大報章雜誌訪問及撰寫專欄，歷年均為不同媒體邀請撰寫模擬試題。

早年於03年，他投身補習界，在英皇教育任教數學補習班，後來轉到現代教育任教，向來都補習社中的皇牌導師，今年他轉到凝皓教育任教，擁有十多年教學經驗，累積學生人數已突破十萬。他的教學理念為「輕鬆愉快的過程，令人雀躍的結果」，教學方針都是以「只要你有能力、有決心去改變，世上沒有不可能」。