DSE考生元朗去錦綉變直出汀九橋 司機反問1句 考生怒斥「救X命」附事件後續

DSE考生提早出門遇專才Uber女司機

一名應屆DSE女考生在社交平台詳述這段「精彩」經歷，昨天首天開考核心科目中文科，特意提早出門口。事主原本選擇位於錦繡花園的伯特利中學作為試場，為了準時到達這個偏遠考場，她提早出門選擇乘搭Uber Taxi，「邊個估到第一日去考就已經咁精彩 今朝特登早啲出門口 諗住飛的過去 因為考場嗰度好偏」。一上車聽到女司機的口音便心知不妙，但心想依靠Google Maps應該不會出大錯，豈料這正是惡夢的開始。司機更一度反問事主「係咪行錯咗路？」， 女生不禁心想「我X呀你揸車定我揸車呀」。

46分鐘新界半日遊驚魂記

女生上載多張Google Maps實時定位截圖作證。從截圖可見，車輛早上8時02分從元朗出發，Uber司機沒有按正常路線走新田公路，反而駛進青朗公路，一路向南直奔大欖隧道，再經汀九橋、青衣，甚至繞進馬灣，完全偏離女生要求的目的地錦繡花園。整個行程持續到8時48分，足足46分鐘。

女生沿途拍下車內情況，駛經汀九橋時無奈地寫下「去咗汀九橋咩玩法」，並配上多個哭泣表情符號。

Uber司機問「可唔可以補考」引爆女生怒火：救X命

事主還上載了影片，氣氛由緊張升級至火爆。起初事主只是質問「你係咪又行錯路呀？」但隨著時間流趕急，她終於情緒爆發，怒斥司機「其實你唔識路咪揸車啦，點可以兜咁遠㗎，去錦上路去咗荃灣，咩料呀！你係咪大陸落嚟㗎？唔識路咪接單啦，唔遲到都變遲到啦，考公開試呀而家！」， 「救X命」。
當事主強調自己是考DSE公開試時，女司機似乎不明白嚴重性，更離奇地詢問女生「可唔可以遲少少或者補考」，女生在發文中表示「補你老味咩」。

DSE中文卷一「閱讀能力」完全寫唔切

最終雖然司機沒有收費，但事主「條氣都係唔順」，更慘的是Uber訂單紀錄消失，令她投訴無門。幸好經過這場驚心動魄的兜路之旅後，事主最終仍能趕及進入試場，沒有錯過這場人生重要考試，「玩心態嘅一日 好彩最後可以入去考」，「但其實8:30開考 我已經遲咗到 去考場嘅時候都好驚佢唔俾我入去考 係好彩可以入」，不過她考試後再留言表示「卷一得返15分鐘左右時間去寫 完全寫唔切」。

網民狠批涉事Uber司機：唔好再害人

帖文引爆網民熱烈迴響，不少人坦言事件非常荒謬，「元朗都可以行錯 過海點算」、「元朗去錦繡算係極容易 都可以揸成咁 真係唔好再揸的士害人 By the way, 真係行錯左去大欖隧道嘅話 其實巴士轉車站果度靠左可以上橋u-turn」；

有網民化身「交通專家」分析司機錯在哪裡，指出即使行錯路仍有多個機會可以掉頭，更懷疑司機「有心帶你入迪士尼？」、「擺明玩嘢」。熟悉路線的網民詳細列出5個可供掉頭的地點，結論是司機「唯一做啱嘅就係喺馬灣掉頭」。

涉事Uber司機評分高達4.86分：已投訴

從事主上載的司機資料截圖可見，該名司機評分高達4.86分，令網民質疑。有網民幫忙指出「根據的士司機違例記分制度，沒有採用最直接而切實可行的路綫駛往目的地 (俗稱「兜路」)」 ，會被記5 分。乘客一旦懷疑司機涉嫌任何不當行為，可記下司機姓名、車牌、司機證編號、事發的日期、時間和地點等資料，並向1823或交通投訴組遞交投訴，或向警方舉報。」， 更有人已替這位DSE考生苦主發出投訴，「已投訴 希望政府部門啲懶西快啲做嘢」，另有人提醒「呢啲司機真係累死人！奉勸有緊要事同趕時間嘅，揀搭的士比Uber 穩陣，尤其資深的士司機，會幫你揀最佳路線同落車地點比較靠得住」。

大批網民對事主的遭遇表示同情，並建議她整頓心態，祝她考試順利，「好X過分 樓主要加油考埋其他科先 嬲埋今晚就收拾心情繼續其他科」；有人稱讚事主冷靜「如果係當年嘅我應該喊住打俾媽媽了」，事主也回應指自己「由嬲變無奈」。