東張｜DSE口試與60歲婆婆同組 考生爆經過勁擔心 阿婆報考原因惹網民熱議
DSE ｜學霸港姐馮盈盈分享三大DSE奪星秘訣 1招達抗遺忘效果
中學生考英文口試與60歲阿婆同組
有應屆DSE考生在Threads發帖分享奇特考試經歷，表示在「英文Speaking」考試中遇到一名年約50至60歲的女士，形容對方「成頭白髮、成面皺紋」，與一般中六考生年齡差距甚大。該考生指，起初以為該名長者考生「好把炮」，豈料進入討論環節後發現情況完全相反。
該名女士每次發言都只是照讀文章內容，幾乎沒有回應其他組員的發言，「完全冇回應過其他人，淨係聽到佢講咩save money」。考生一度想提醒對方離題，但擔心自己理解錯誤而不敢開口，幸好其他組員最後有出聲嘗試拉回討論方向。
DSE ｜考生犯1錯誤 稱「贏咗99.9%考生」成績會被降級 考評局回應
DSE考生憂影響成績報東張
隨著事件發酵，有擔心自己的成績的應屆DSE考生決定報東張。一名「受害考生」陳同學向東張主持曾錦燊爆料及講述事發經過。陳同學表示當日一入考場見到有「阿婆考生」已感到不妙，對方年齡為50至60歲、頭髮染成紅色。她在準備室見到對方時更心生不祥預感，心中不斷祈求不要同組，然而結果事與願違，兩人最終被分配至同一組。
考試期間，陳同學指對方只識一些基本單詞，對話時胡亂應對，整個討論過程十分尷尬，更擔心會影響成績。
速讀技巧｜馮盈盈3招速讀秘訣 讀書快5倍 超強記憶法曝光 網民：果然係學霸
網民熱議「阿婆考生」應考原因
帖文曝光後迅速引起大量留言，不少網民對事件感到難以置信，紛纷表示疑惑「阿婆考DSE嚟做乜？」、「而家阿婆都考DSE？一定有古怪」。亦有人開玩笑猜測對方動機，直言「懷疑係Auntie為仔女清除對手」、「等我阿嬋教你咩係financial literacy」，另有網民打趣指「恭喜你對手咁樣，一定屈機成功啦！」
陳同學向東張西望主持曾錦燊表示，當考試結束後該名「阿婆考生」笑笑口向她透露應考原因，直言「我係嚟玩吓㗎咋」。
考評局回覆《東張西望》：60歲以上考生有42名
《東張西望》隨即向考評局查詢，考評局回覆指，今年共有58,500名考生應考，其中60歲以上考生有42名，與往年大致相若。考評局強調，今年文憑試並無發現有人有意破壞試場秩序。
至於成績是否會因此受影響，考評局說明，文憑試英語科的口語評審採用「雙評制」，由兩位主考員按照評核準則獨立評分，並依據成績匯報制度確定等級。該評分程序與一般所稱的「拉 curve」制度不同，考生的等級不會因其他考生的表現而被左右。
DSE 2026｜五星級酒店開放3間餐廳作學生自修室 免費茶點湯水糖水 附地址及開放時間
英文Oral奪A網民拆解口試奪分攻略
面對考生的擔憂，不少網民分享應對心得，指出「根本就冇關係，你talk得嘅就會搶住開口攞分，理得佢理解唔理解，另方面睇就係益咗你，佢唔出聲咁就成組人講少個，出聲機會多咗」。更有網民解釋評分機制，強調「考官係對個人評分唔係小隊評分，所以唔會因為一個人的分數低而拉低其他人分數」。
珍惜生命｜DSE考生冒雨危坐天台企跳 疑不堪雙重打擊尋短 附案件細節
亦有網民提供實戰建議，「其實你遇到d唔出聲嘅長者仲好，你可以多d發表自己意見，但你想攞高分，就要幫助對方發言，例如問對方同唔同意你嘅觀點，咁樣一定高分！」其中一名曾在英文口試奪A的網民更公開教路，「會考曾經英文Oral A嘅我， 我可以同你講呢啲咁嘅情況對我嚟講係唔會有影響，佢唔答就好簡單你就用你嘅能力去改用Yes No question， 例如問佢鍾意咩顏色， 佢唔識答，你可以問佢黃色定係橙色？ 佢都唔答， 考官就知道唔係你問題。英文oral 好嘅人，從來都唔怕呢啲咁嘅人。反而你喺協助佢回答， 你係攞到分， yes or No question都唔識答，擺明就係佢問題 不過DSE考嘅會唔會唔同咗？我就唔知。」
部分網民則認為年輕考生應調整心態，「自己技不如人，就唔好賴人」、「出嚟社會仲殘酷」、「分分鐘呀婆成績好過你哋」、「阿婆無權讀書?」。
DSE ｜馮盈盈贈DSE考生2大貼士 罕晒放榜前舊照 33字真言教路
