ETV

ETV開播半世紀終告停拍 細數9位曾拍攝教育電視童星|重溫8部ETV經典作品

熱話

廣告

伴隨不少年青人成長的ETV(教育電視)於4月17日正式宣布停拍。香港電台為教育局製作嘅ETV及視像資源由於營運成本過高,而且近年其收視率每況愈下,有不少人都曾批評指內容早已過時,更指不應再拍ETV以免浪費公共資源。然而,ETV可說是很多人的童年回憶,不論是上堂或放學時間都一定會追看,現在就與大家細數8部ETV經典作品,以及9位曾參與ETV拍攝的藝人啦!

撰文:Kammy|編輯:YCL|圖片來源:我們都是看ETV長大的@FacebookYoutube截圖

95%受訪教師同意保留ETV

教育電視ETV於1971年首播,至今已有48年歷史。去年審計署發表報告,表示ETV成本過高,但其總體收看率就偏低。近日,教協就發表報告,以問卷訪問咗656名小學教師,有94.6%指上堂有使用ETV輔助教學,有88.4%受訪教師就指會喺課堂外,如課後輔導、家課自習等使用ETV。有近95%教師同意保留ETV。但係有教師指出課時不足,教育電視選擇唔多,節目內容又未必切合課程同教學需要,亦都有更佳嘅視像教材可以幫助。

教育電視ETV於1971年首播,至今已有48年歷史。

盤點8部ETV經典作品

1. 細菌週年大會

相信唔少人都會記得《病菌大王》,入面嘅角色更係深入民心!《病菌大王》喺1992年製作,共分為《病魔的毒計》同《擊退病魔》兩集,以「細菌週年大會」為主題,一眾細菌包括霍亂菌家族、黑死病大王、結核菌等,成班細菌病毒聚首一堂,喺度講解自己點感染人類,透過得意嘅角色為學生講解衛生常識。

相信唔少人都會記得《病菌大王》,入面嘅角色更係深入民心!
相信唔少人都會記得《病菌大王》,入面嘅角色更係深入民心!

2. 分數王國

以前細個學分數,書本上一定係用切蛋糕同塗圓形嘅方法,而ETV嘅《愛麗絲夢遊分數王國》就打破傳統,以童話嚟包裝數學概念,並以分數嚟區分王國內嘅居民,真係吸引過書本好多!

ETV
ETV嘅《愛麗絲夢遊分數王國》就打破傳統,以童話嚟包裝數學概念

3. 游水學東南西北

呢一集真係好好笑,因為兩個主角遊遊下渡海泳,無啦啦攞指南針同地圖出嚟話要睇方向,其實搞咁多嘢都只係為咗教大家東南西北!相信依家好多都市人都冇咩人識用指南針喇,快啲睇返呢集重溫下啦!

一個遊緊水,另一個就睇地圖,而個「海」都有交足戲有喺度鬱下鬱下
一個遊緊水,另一個就睇地圖,而個「海」都有交足戲有喺度鬱下鬱下
我知!香港島喺九龍嘅南面!
我知!香港島喺九龍嘅南面!

4. 麥包飾啞老師教部首

啞老師係邊個?冇理由會唔知呀?!由麥包飾演嘅啞老師,配合經典故事《后羿射日》,教一眾小英雄學識查字典:「部首檢字法」、「難檢字部」同「變形部首」,查出寫喺太陽上嘅字,然後獲得神箭再將太陽落嚟,呢一集簡直係中文科ETV嘅經典!

 

以經典故事《后羿射日》教大家學識查字典
以經典故事《后羿射日》教大家學識查字典
由麥包飾演啞老師
由麥包飾演啞老師

5. 「下雨天留客天」學標點

「下雨天,留客天。留我不?留!」定「下雨天留客。天留,我不留!」呢兩句話靈活咁運用標點符號,只要擺放唔用位就有唔同意思喇!

6. 街邊魚蛋檔

香港80年代經常都會有街邊車仔檔,佢哋所賣嘅魚蛋、碗仔翅真係諗起都流曬口水,但街邊檔嘅衛生問題嚴重,教育局就製作咗相關嘅ETV,教小朋友進食前要手,仲呼籲各位唔好光顧街邊檔,如果唔係就有機會要住醫院醫病喇!

呢3個細菌人個頭其實好搶眼
呢3個細菌人個頭其實好搶眼

 

7. 貨幣村的故事

要學用貨幣,大家就可以睇下《貨幣村的故事》,入面有每紙幣村同硬幣村,每個角色都有唔同嘅幣值,而佢哋嘅幣值就等同佢哋各自嘅力量,節目中仲會透過每個人嘅合作去教大家加法。

每個角色都有唔同嘅幣值,而佢哋嘅幣值就等同佢哋各自嘅力量
每個角色都有唔同嘅幣值,而佢哋嘅幣值就等同佢哋各自嘅力量

8. 傻校長教食橙皮

最經典嘅ETV就一定要數《大勇的故事》,呢一集之所以咁出名,係因為好多人細個都有跟片中嘅傻校長食橙皮!故事中,校長帶一班學生去行山,但由於冇帶到足夠嘅水,校長就教大家橙皮有止渴作用,然後成班就坐埋一齊食橙皮。唔少網民都曾表示「到依家,我每次食橙,都只食橙皮」、「我細個睇完真係去食橙皮食完最後都係要飲水」、「 好彩傻校長唔係帶榴槤」

最經典嘅ETV就一定要數《大勇的故事》
最經典嘅ETV就一定要數《大勇的故事》

 

 

好多人細個都有跟片中嘅傻校長食橙皮
好多人細個都有跟片中嘅傻校長食橙皮

我們都是看ETV長大的

早前港台曾播映《我們都是看ETV長大的》節目,喺facebook推出了一系列嘅投票活動,包括ETV一哥一姐、最耐人尋味的橋段和最ETV的場景等等,每條合集真係愈睇愈多眼淚,係青春呀~係回憶呀~

ETV
港台正在籌備緊《我們都是看ETV長大的》節目

教育電視(ETV)真係唔少人的集體回憶,小編就最記得「一理通『馬國明』 明白了計算可變簡單」!另外大家可能都唔知道,原來以下呢六位仍活躍於娛樂圈的歌手同藝人,以前都做過ETV主角㗎!當中有幾位以前同依家幾乎一樣樣,有人細細個勁可愛,不過有位女歌手好難估!

ETV
呢幾位「ETV一哥一姐」,大家認唔認得呢?

盤點9個拍過ETV的藝人

1. 運動男神王祖藍

第一位,相信唔會有人認唔到,佢咪王祖藍囉!不過估唔到以前祖藍喺「教育電視」係飾演排球隊隊長(難道當年的排球隊沒有身高限制嗎?)、校內萬人迷,睇嚇個女主角幾冧豬!

ETV
祖藍在2000年出演過ETV
ETV
要擔正做主角扮排球隊隊長
ETV
仲有比女仔𥄫

運動勁都仲未夠,之後片段見到祖藍一手截住想打尖的男同學,讓女主角可以順利上小巴,仲幫對方入埋錢!呢啲咪男神囉!

ETV
劇中佢仲好有暖男feel添
ETV
不但幫個女仔畀埋小巴車錢
ETV
仲為女仔截住想打尖嘅男學生

據知祖藍係喺2000年左右拍過幾集數學科同常識科的教育電視節目,睇番當年祖藍個樣同依家幾乎冇分別,著起校服仲非常乖仔feel,相信老婆李亞男都估唔到老公以前演萬人迷!

ETV
相信老婆李亞男都估唔到老公以前演萬人迷
ETV
睇番當年祖藍個樣同依家幾乎冇分別

2. 綠褲小子林一峰

第二位係歌手林一峰!原來佢細細個就有份參演「教育電視」,睇番佢以前個樣同依家分別唔大,都係眼仔細細,好鬼趣緻。

ETV
林一峰原來細細個就有份參演ETV
ETV
睇番佢以前個樣同依家分別唔大
ETV
都係眼仔細細,好鬼趣緻
ETV
唔知佢有無在劇中唱過歌呢?

估唔到林一峰除了歌藝一流,細細個就已經咁識演戲!唔知佢喺「教育電視」入面有冇唱過歌呢?

ETV
林一峰除了歌藝一流,細細個就已經咁識演戲
ETV
唔知佢喺ETV入面有冇唱過歌呢?

3. 造型百變楊思琦

第三位同祖藍一樣,又係一眼就認得出,楊思琦多年前已經係咁靚女!2001年港姐冠軍思琦妹,原來選港姐之前都拍過ETV,講得一口流利普通話。除了一般學生妹校服look外,思琦仲有好多唔同造型,學生哥們肯定會睇得好專心!

ETV
一眼就認得出係邊個啦~
ETV
2001年港姐冠軍思琦妹,原來選港姐之前都拍過ETV
ETV
鏡頭前講得一口流利普通話
ETV
除了一般學生妹校服look外,思琦仲有好多唔同造型

楊思琦向來以童顏見稱,雖然依家已經39歲,又已是一女之母,不過樣貌身材真係多年不變!唔知思琦會唔會播番自己啲ETV畀囡囡睇呢?

ETV

ETV
雖然依家已經是一女之母,不過樣貌身材真係多年不變

4.古裝小美人黃美棋

童星出身的黃美棋,拍過ETV當然唔出奇!片中見到美棋BB古裝小美女look,眼大面圓圓非常可愛,喺其他小演員當中十分突出!

ETV
童星出身的黃美棋,拍過ETV當然唔出奇
ETV
片中見到美棋BB古裝小美女look
ETV
喺其他小演員當中十分突出
ETV
眼大面圓圓非常可愛

現年29歲的黃美棋細細個已經參演唔少電影、劇集,觀眾可謂由細睇到佢大,現在的美棋BB仍然咁甜美可愛,但同時多了一份女人味!美棋BB睇番自己ETV演出,就留言話自己細個靚啲,面尖尖的,擘大口都特別靚喎!

ETV
黃美棋
ETV
美棋BB睇番自己ETV演出,就留言話自己細個靚啲

5. 未衝出太空時鄧紫棋

呢位眼大大、塊面脹卜卜的小妹妹,似乎係做錯事被發現,所以要同老師講「對不起」!雖然個樣同依家係有少少分別,不過見到佢燦爛笑容、仲有招牌金魚嘴時,大家就認得佢係GEM (鄧紫棋)啦!上海人阿GEM細細個普通話已經標準又流利,令同學們獲益良多~

ETV
雖然個樣同依家係有少少分別
ETV
不過見到佢燦爛笑容、仲有招牌金魚嘴
ETV
大家就認得佢係GEM (鄧紫棋)啦
ETV
上海人阿GEM細細個普通話已經標準又流利

時光飛逝,當年ETV中的可愛小妹妹,今時今日已經係紅到上太空的樂壇天后啦!話時話,唔知佢喺ETV入面個女同學仔依家點呢?

ETV
當年ETV中的可愛小妹妹,今時今日已經係紅到上太空的樂壇天后
ETV
唔知佢喺ETV入面個女同學仔依家點呢

6. 女大18變連詩雅

最後呢位真係難估啲,片中呢位小妹妹(右)英文流利,發音標準,自信十足!而呢位女歌手「長頭髮、面尖尖、高高瘦瘦」,聯想到係連詩雅(Shiga)嗎?

ETV
片中呢位小妹妹英文流利,發音標準
ETV
旁白話呢位女歌手「長頭髮、面尖尖、高高瘦瘦」

連詩雅出名身材高佻,有對修長美腿,依家睇番佢細個時似乎已經係高人一等呢!

ETV
真係聯想唔到佢係連詩雅(Shiga)
ETV
睇番佢細個時似乎已經係高人一等

Shiga小時候參與過好幾集英文科ETV演出,節目中同唔少外籍同學仔有對手戲,講英文真係幾好聽!亦相信佢英文係由細叻到大。咁Shiga之前喺網上串錯「Rest in Peace」做「Rest in Piece」… 相信係唔小心啫!

ETV
Shiga小時候參與過好幾集英文科ETV演出
節目中同唔少外籍同學仔有對手戲,講英文真係幾好聽
節目中同唔少外籍同學仔有對手戲,講英文真係幾好聽

 

7. 唐寧

片段開頭也有見到她的身影,而她也為etv拍過不少集數!細時候,眼大大的模樣和現在都沒有太大差別!果然天生美人!

ETV
唐寧
ETV
唐寧
ETV
唐寧
ETV
唐寧
ETV
唐寧

8. 陸永

陸永同C君因為主持旅遊節目《Do 姐再Shopping》段人氣再度急升,而且還有一個愛妻號的綽號,想不到當年他亦有出演過ETV!大家又有沒有印象呢?

ETV
陸永
ETV
陸永
ETV
陸永
ETV
陸永
ETV
陸永

9. 張紋嘉

原來組合HOTCHA出身的張紋嘉小時候曾和王祖藍合作過,剛才提起祖藍化身排球隊隊長的影片中,張紋嘉都有份現身,而且還是她唯一一套有演出過的ETV短劇!

ETV
張紋嘉
ETV
張紋嘉
ETV
張紋嘉