動漫檔主宏福苑大火罹難 好友空位留手寫信悼念 贈1遺作作品 網民睇到喊：個心好痛
Rainbow Gala攤主「Piano」罹難
根據網民的貼文，好友在手寫信中解釋攤主Piano因為在大埔宏福苑大火中不幸離世，未能出席活動，空置的攤位上只放著一封手寫信、一束花和免費派發的遊戲角色貼紙。好友在信中寫道「唔好意思，因為檔主Piano佢嚟唔到啊，所以因為想睇支持佢而嚟嘅人，令到你哋失望」，並介紹Piano生前的喜好，包括熱愛「星泳」、喜歡Suichan及Kamito，甚至連攤位的Logo名稱都源自此。這封感情真摯的信件讓現場參加者深受感動，紛紛駐足默哀。
Piano生前保持神秘感新作成遺憾
好友在信中透露，Piano非常喜愛動畫系列《BanG Dream!》旗下的作品《MyGo!!!!!》，推測他原本打算推出相關貼紙、匙扣或位牌等周邊產品。然而Piano生前一向保持神秘感，拒絕透露作品細節，如今已成永遠的遺憾。好友坦言「你嗰日話嚟到就知，好可惜我冇呢個機會囉，唔可以買到你出嘅同人周邊」，粉絲字裡行間流露出深深的不捨與遺憾。他更提到曾經糾結是否要到場，因為親眼見到空蕩的攤位會令人難受，但最終仍選擇赴約，只為遵守對Piano的承諾。
Piano遺作化成貼紙轉贈同好
攤位上供人免費領取的貼紙，正是Piano生前親手繪畫並送給該粉絲的珍貴禮物。貼紙中的角色是好友和「Piano」曾經一起遊玩的手機遊戲中最喜愛的角色，承載著他們共同的回憶。好友在信中寫道「我都唔知仲可以做啲咩好，唯有將你俾我嘅畫整成貼紙，放喺你呢個booth，轉贈畀同樣欣賞你畫作嘅人」。這些貼紙不僅是Piano的遺作，更是他對動漫文化熱愛的最後見證，讓更多同好能夠感受到他的才華與熱忱。
網民深受感動留言：睇到個心好痛
這個特殊的攤位在網上引起廣泛關注，不少網民看到相關貼文後深受感動，紛紛留言表達哀思。有網民表示「睇到喊，真係好有心嘅朋友」，「睇到個心好痛」；亦有人讚揚這位粉絲的做法「將佢嘅作品延續落去，係最好嘅紀念方式」。好友更在信末寫道，今屆Rainbow Gala是他第一次參加，也是Piano首次擺攤位，「佢同大家一樣，為咗呢次RG準備咗好耐，但一場大火摧毀咗一切」。他感謝Piano曾經出現在自己的生命中，並寄語「願你喺天上都能收到呢一份心意，願你喺天上一切安好」。
