宏福苑3個月大BB被救出後心臟曾停頓須留醫 爸爸揭BB獲救真相惹爭議
宏福苑單親媽菲傭火災跑17層救BB長者後被解約徬徨 處境曝光：4子女讀書錢燒光
網民11月26日社交平台求救 3個月大嬰及媽媽多次嘔吐
宏福苑火災當晚（11月26日），一則求救訊息在社交平台瘋傳，指宏昌樓1308室有一名只有三個月大的嬰兒與媽媽及工人被困在屋內，嬰兒與媽媽已多次嘔吐，但仍未能盡快送院，只是焦急地在屋內等待救援。報料人透露自己剛與單位內的人通電話，傳來BB大聲哭喊的聲音，不停強調「BB仲喊緊，好堅強」，拜託大家快啲幫手救人這種隔著電話線伸出的求救。求救訊息如下：
「宏昌樓1308室
有1個3個月大BB，媽媽同工人
BB同媽媽已多次嘔吐
仍屋內等待救援
Pleaseeeeeeee
剛剛有聽電話，bb 仲喊緊，好堅強
等人救」
當晚23:30，街坊表示BB、媽媽及工人已經獲救，街坊特別感謝消防員，讚揚「消防員真係好偉大」 。（詳細報導：按此）
剛抵港數天菲傭被指肉身護嬰兒入ICU
其後，TVB新聞報道指出，在火警發生期間，有菲律賓人士哭著在網上發短片求助，表示自己剛抵港數天的妹妹Rhodora Alcaraz在宏福苑當外傭，正與3個月大的少主被困火場，向自己求助。當消防員趕到現場進行拯救時，發現該名外傭緊緊抱著嬰兒，即使身處險境仍然用自己的身體保護幼童。最終消防員成功救出二人並送院治療，被救出時嬰兒情況穩定，但外傭則需要在醫院深切治療部留醫，情況令人擔憂。
宏福苑外傭火災抱BB及老人家逃難 災後被解除合約 網民理性分析僱主解僱原因
家屬友人2天後發帖指保護BB的人是媽媽而非外傭
曾發求救訊息的人自稱是「BB爸爸的好朋友」，在11月28日社交平台上公開發文，指保護BB的人其實是媽媽，而非外傭Rhodora Alcaraz：
「呢2日都有好多人inbox我，關心BB, 媽媽同工人情況， 真係好感謝各位，好有心3人現時情況穩定，指數都係向好進步，仍在ICU觀察中另外 媽媽憶述返當時情況，火場入面，一直都係媽媽抱住bb, 後段諗盡辦法點樣可以令BB吸少啲濃煙, 就放左bb喺衣櫃入面 消防員過嚟拯救時，係媽媽提醒消防員，仲有個BB係衣櫃，所以是由「消防員抱BB離開現場的」。
此外，發文者又表示Rhodora Alcaraz剛入屋不夠一天便發生火災，「新請的姐姐，真的是唔好彩，因為佢入屋不到24小時就發生呢件大事，對佢既遭遇，深感同情現時希望3人快啲快啲 早日康復❤️」此外，發文者強調「希望唔好有外傭公司借此事創造所謂的英雄，叫人捐款，而遮蓋媽媽一心保護BB 的堅定意志PS: BB is a girl, not a boy 咁都報錯，我睇緊d咩？」
疑似BB爸爸發文澄清是太太攬住BB：不想有人藉此為由，從中取利
12月16日，疑似BB的爸爸使用上述社交平台的帳戶發文，指太太已出院，不過BB曾因吸入濃煙導致心臟一度停頓，目前BB仍留院觀察，至於菲傭Rhodora Alcaraz出院後決定回菲律賓休養：
「好多人關心狀況👉🏻👉🏻👉🏻本人是宏昌閣1308bb嘅爸爸， 太太嘅先生，工人姐姐嘅僱主， 想藉此告知大家太太已出院，但需要時間去平復心情和回復身體狀態，bb因吸入過濃煙， 一氧化碳，亦曾經心臟停頓過， 所以仍在留院觀察，工人姐姐亦已出院，都係需要時間去回復正常， 同時她已決定回菲律賓休養，在此多謝大家關心。」
疑似女嬰爸爸澄清是太太攬住BB，並把BB放進衣櫃，最後由太太抱出給消防員救出來，並非工人姐姐；他強調不想有人從中取利：
「至於早前有報道說姐姐以身護bb的說法，經太太轉述，姐姐在中途已暈左或昏睡了，最後是消防員救她出去，而太太在過程中攬住bb在地上待救，及後已沒力氣所以放了bb在衣櫃，而消防員到場時是太太抱出bb給消防員救出的，在此澄清不是想說誰的功勞，只是不想有人藉此為由，從中取利。」
的士司機聞宏福苑失智症伯伯忘記火災對話極心痛 拒收車資邊揸車邊喊
此外，事主感激所有救援人員、消防員、醫護等人的幫忙：
「現在我們還有漫長嘅路要行，但我們會堅持落去，讓bb健康快樂成長。 🙏🏻最後很感激所有幫助過我們及救援的人員，包括消防員，救護員，聯合醫院醫護人員，瑪嘉烈醫院醫護人員，東區醫院醫護人員，屯門醫院醫護人員，社工，我們的家人和朋友，特別感謝前線消防員，據太太告知是黃大仙細搶把她們救出來的，待bb出院後，我們會到黃大仙消防局特意致謝。宏福苑居民加油！」
網民質疑BB爸爸帖文真實性：工人出咗icu都仲講唔到嘢
不過，帖文一出，惹來部分網民質疑，並透露Rhodora Alcaraz ICU出院後不能說話，且肺部功能有損害，強調「希望你哋唔好咁在意邊個保護bb」：
「唔知你係唔係爸爸，但係我工人姐姐同所述的工人姐姐喺菲律賓係鄰居。佢入icu我工人姐姐都有去探佢。以我所知，佢應該返咗工末夠一個月就出事。或者你忙住照顧屋企人啦，個工人入咗icu你地都唔得閒睇佢。佢咩都燒晒，衫褲鞋襪同日用品都係其他工人姐姐同佢哋嘅僱主幫手安排。出咗icu都仲講唔到嘢，肺部功能損害。佢無攞任何嘢亦都怕左留喺香港，機票好似係政府提供既。我唔明佢從中取利d乜？我同工人姐姐真係完全唔介意幫過佢。所有人救得返係件美事，希望你哋唔好咁在意邊個保護bb，生活早日回復正常！祝福大家」
另外，其他網民指確實有必要講出事實，但質疑發文者是否BB爸爸本人：「我覺得係有必要講返事實出嚟 而呢個事實無奈地，一定都會令人覺得有人想搶功勞 / 抹去某啲人嘅功勞，無計 但呢個account究竟係咪爸爸本人，都有一個疑問 11月26日明明話係有朋友同BB喺入面 依家變咗爸爸？應該似係轉載message？最後點都要祝BB早日康復，快高長大～以後同爸爸媽媽一家人開開心心」、「唔明點解有人質疑家人澄清返件事發生經過既動機？件事上晒新聞但內容錯晒，一開始篇新聞連媽媽都無，講到姐姐好似趙雲咁肉身護嬰 澄清返有咩問題？講功勞仲搞笑，有功勞又點？阿B即刻好返定會賠多d？佢地澄清完其實唔會得到d咩，但可以阻止有人拎呢單新聞黎做文章既機會囉」。
宏福苑大火｜12歲女童痛失最好朋友喊至失聲 寫下深情40字泣別 網民淚崩
救B事件眾說紛紜：姐姐自己抱BB一直衝到樓下，僱主家人先抱返
此外，亦有其他人指Rhodora Alcaraz自己抱著BB一直衝到樓下才給僱主家人，「有聽過我工人姐姐(佢親戚係文中姐姐朋友)講話僱主火災後講: 姐姐好黑仔，一返工就搞到屋企火燭，仲要比佢攞左個光環救個bb(但其實姐姐自己講話佢自己抱bb一直衝到樓下，僱主家人先抱返bb)。其實救個bb又有咩光環要攞？😅睇得出姐姐係想捨身救個bb，已經盡忠職守 而又會想知道點解僱主係姐姐入icu既時間又從來冇睇過姐姐？我明僱主自己都同樣係受害者，但係咪真係咁多日都唔會有時間去睇個姐姐？姐姐都係人黎，都係你請既人，點解會冇睇下佢呢？ 唔知句野係咪真，但如果係既話個僱主都幾X街。」
殉職消防員何偉豪生忌獲追授榮銜 女友忍淚現身代領 再深情告白十年男友
菲律賓總領事館回應外傭傷亡情況
菲律賓駐港總領事館早前曾表示，未收到有菲律賓人在火災中傷亡的正式報告，但承認收到「未經證實消息」，指有一些菲傭被困火場。相比之下，印尼駐港總領事館則確認有2名印傭在火災中死亡，另外2名印傭受傷。印傭組織亞洲移居人士聯盟發言人Sringatin透露，根據收集到的不同資訊，宏福苑內仍有最少8名印尼外籍傭工失去聯絡，未知她們是否仍在現場或已經獲救。組織希望特區政府可以分享更多資訊，並協助聯絡印尼相關部門進行後續工作。
宏福苑火災影響200名外傭生活
外傭組織早前估計今次火災影響多達200名外籍家庭傭工，情況令人擔憂。關注外傭的亞洲移居人士聯盟和白恩逢之家表示，許多家庭被逼疏散到缺乏基本必需品的臨時庇護中心，當中不少家庭以外籍家庭傭工為主要照顧者。組織已準備好即時協調和調動資源，確保每位受影響人士都能得到幫助，特別是面對獨特障礙而難以尋求援助的外籍家庭傭工。工權會職員指現時對外傭支援不足，如職員提供中文資訊等問題，希望各國領事館更積極伸出援手，包括在各庇護中心派員讓外傭得知如何求助。
多條緊急熱線開通協助外傭求助
為協助受影響的外籍家庭傭工，多個組織已開設緊急支援熱線。如有市民認識或遇到受影響的外籍家庭傭工或家庭，可以聯絡亞洲移居人士聯盟的電話2522 8264或熱線9529 2326，僱主熱線為9529 0387。白恩逢之家的熱線是9338 0035，工權會熱線則是23665965。組織也呼籲合作夥伴和捐助者聯絡相關熱線，討論緊急救援、庇護所協調，以及為有需要人士提供長期住宿、食物、衣物、醫療、翻譯和法律諮詢等支援。這些支援服務對於語言不通、缺乏本地支援網絡的外傭來說尤其重要。
