T恤

T恤大急救!再見「荷葉邊」3步回復平整踢走變形

熱話

廣告

T恤變形大急救!大家夏天經常著T恤,但時常著到衫領變鬆,變成了荷葉邊!原來有方法可以還原!日本專家教你拯救T恤!

撰文:SY|資料來源:《ZIP!》|原文刊於:新假期

還完變形T恤3招踢走荷葉邊

相信好多人都知,如果T恤洗多幾次,衫領會慢慢變形,漸漸變得唔美觀。日本電視節目《ZIP!》指,T恤喺曬衫過程中,會因為水份積聚,令到衫領部份變形。所以節目邀請當地洗衣服務公司最高技術負責人神崎健輔先生,神崎健輔先生有「洗衣博士」之稱,佢話有一個小技巧可以對付「荷葉邊」,3個簡單步驟就令T恤變返正常。

T恤
如果T恤洗多幾次,衫領會慢慢變形
T恤
T恤喺曬衫過程中,衫領部位變形。

3步拯救「荷葉邊」T恤

1. 摺完浸冰水

首先將鬆咗嘅T恤衫領反覆摺成波浪形狀,再將佢浸入冰水一分鐘。然後用以按壓方式將衫領水份盡量擠出。記得!記得唔好「扭乾」,如果唔係衫領又會再變形。

T恤
衫領摺成波浪形狀。
T恤
浸入冰水一分鐘。

2. 用手指將衫領推平

之後將T恤放喺枱面攤平,由下而上用手指將衫領推平,重複做幾次。

T恤
用手指推平

3. 熨少少再風乾

最後,用熨斗由下而上將衫領熨平,唔需要熨乾,最好維持少少濕度。再將T恤平放自然風乾,但記得唔好掛起!

T恤
將衫領熨平。
T恤
自然風乾。

有唔少網民都試咗呢個方法,T恤雖然冇變成新嘅一樣 ,但都令衫領唔再變形。好多網民仲話,晾衫時,可以用兩個衫架將T恤水平晾起,咁樣水份嘅重量就唔會搞到衫領位變形。

T恤
衣領確實沒再飛起。
T恤
踢走荷葉邊令衣服看起來更新淨。

撰文:SY|資料來源:《ZIP!》原文刊於:新假期