《35+ LOVE》楊淇、趙頌茹同被約會男稱為「災難」女人們黑面背後真相
廣告
楊淇、趙頌茹、Aka三人參與戀愛真人騷《35+LOVE》，進行16小時約會實況，3人已與6名男生分別進行約會，對大家都略有認識。3名女生中，楊淇被封為「黑面港女」，事關她不論與阿B抑或Adrian約會時，都不停發脾氣、黑面、「有佢講無人講」，令網民相當嬲怒；而阿Yu則較溫文有深度，除了與保險男Marcus約會外，也有跟46歲的音樂人Adrian出外約會，2人的交流相當正常。而在昨晚（13日）播出的一集中，其中一名男主角竟以「災難」形容阿Yu和楊淇，更首度公開楊淇在南丫島黑面的背後原因，指自己都有責任。
楊淇竟與阿Yu齊名同被形容為「災難」 約會男：一個係中型，一個係小型
這名以「災難」形容Kate和阿Yu的男生，正正是46歲、曾為Eason寫歌的音樂人Adrian。Adrian在節目中形容「阿Yu係小型災難，楊淇係中型災難」。他曾與楊淇約會，但約會期間二人火花不斷大爆發，Adrian不停捱鬧，不論說起甚麼話題，都被「黑面楊淇」落閘、黑面、差態度回應。而Adrian亦在節目坦言，指「Kate性格真係難搞，但我回想起自己當日其實都好難搞，我可以有多少少耐性」。
原來楊淇終極黑面有原因：我自己講嘢都過火咗
Adrian指他與Kate入南丫島約會時，二人入到市中心的餐廳用膳，當時他繼續問Kate有關拍拖、社交、識朋友的問題，對方突然一句「吓，你來來去去都係問呢D」，當刻有藝街家性格的Adrian原來有當面「回禮」，指「咁你唔想傾呢D，不如我哋傾AI？傾科技？」，然後黑面楊淇就出現了。他指當時氣氛尷尬到不得了，但自己都有責任，因當時覺得要發洩出來，而說了一句悔氣說話，但事後回想，又覺得可以「收返少少，唔好爆，講嘢過火咗」。
與阿Yu反而心底裡有Connection：可以做到好好朋友
而Adrian亦與阿Yu約會過，最近一次更到北角一間藝術館看展覽。他指阿Yu看到鯨魚後，「好多嘢Share，可能佢覺得自己比較孤單，比較鍾意自己一個人，我地第一次見就要好熟好有壓力，後尾大家打開咗話題，個幾鐘入面飲咗4杯Whisky，幾好玩」。他續指，他們二人都覺得雙方可以做朋友，「喺呢個年紀好重要，唔係好似後生，我哋呢個年紀真係做朋友再漸進式去認真，尋找共存空間再發展。」
網民：2個點會同級啊
不過，網民看到Adrian把阿Yu與楊淇「當同級」時，即嬲爆後言，指「阿Yu好相處咁多，2個點會係同級啊」、「又話有心有Connection，又話做朋友，轉頭話人係災難？」、「條仔都唔會好得去邊」、「黑面楊淇同正人妻放埋一齊？你話楊淇我Buy你，阿Yu點樣係災難」、「原來楊淇係被挑釁先黑面，係咪怪錯佢」。
圖片來源：ViuTV《35+LOVE》資料或影片來源：原文刊於新假期
