洪金寶

【幸福滿瀉!】三代同堂賀67歲生日 洪金寶流露幸福笑臉

育兒

廣告

香港著名武打巨星洪金寶,一直以嚟對本地電影有好大嘅貢獻,但近年已經開始減少作品。呢日,洪金寶慶祝佢67歲生日,大仔藝人洪天明就罕有地上載一張三代同堂嘅全家福,見到洪金寶流露幸福笑臉,場面幸福溫馨!

撰文:Kammy | 圖片來源:洪天明Instagram

深信有睇香港武打片嘅人都會知道邊個係洪金寶!著名武打巨星洪金寶9歲就已經踏入電影圈,對香港電影有好大嘅貢獻,更被稱為香港影壇嘅「大哥大」,可見佢嘅地位舉足輕重。洪金寶育有4名子女,其大仔亦係為人熟悉嘅藝人洪天明,於2012年同香港小姐周家蔚結婚,並育有2名兒子。

早前洪金寶67歲牛一,孝順仔洪天明就同爸爸一齊慶祝生日,佢好罕有咁上載一張三代同堂嘅全家福,更留言話:「生日快樂爸爸。」相入面除咗有洪金寶夫婦,天明一家四口,仲有二仔洪天祥同細女洪煦榆,一家八口三代同堂!唔怪之得壽星公洪金寶都不禁流出個幸福笑臉!