任晴佳

琦琦愛女心切 拒絕讓任晴佳入娛樂圈:讀好書先

育兒

廣告

不少「星二代」都擁有優良的基因,因此有很多名人子女都會加入娛樂圈,就如木村拓哉的15歲女兒木村光希早前就正式在日本出道,成為模特兒新貴。在香港,任達華和琦琦的女兒任晴佳年紀輕輕就擁有44吋長腿,是天生的模特兒身材,不過對於加入娛樂圈,爸爸和媽媽也一致Say No!

撰文:CMY

名模琦琦日前出席音樂比賽活動,她表示今個暑假與女兒一共去了8個國家旅行,她指剛巧在泰國度過當地的母親節,女兒更貼心地買了芝士蛋糕為她慶祝,令她非常感動。

談到木村拓哉細女木村光希早前入行當模特兒,她則大讚光希很漂亮,不過她直言不想女兒進入娛樂圈,希望她可以好好讀書:「阿女只有13歲,很抗拒鏡頭,不喜歡影相,拍戲又辛苦,現階段應好好讀書。」

任晴佳初登模界 13歲美少女仙氣逼人

任達華與名模太太琦琦的女兒任晴佳(Ella),今年13歲,其實係16年時琦琦喺網上分享女兒生日派對的盛況,大家先知Ella遺傳了父母的優良基因,如今已出落成一位美少女,更擁有高佻身材,絕對有條件和媽媽一樣踏上天橋!

任晴佳現時身高已達170cm,遺傳晒父母的出眾外表及模特兒身材,難怪琦琦都大讚愛女身型比自己更加均稱!

由細靚到大

華哥超錫愛女,不時會在社交網站貼出囡囡相片,同大家分享女兒成長靚樣,亦可見天生一副明星相的任晴佳,細細個已經美人胚子,成日話女兒係爸爸嘅前世情人,單睇華哥對住寶貝女個冧樣,就知此言非虛!

任晴佳初登模界

任晴佳日前初登模特兒界,參與STYLE(風尚國際) 的特別企劃《千禧新勢力Millennium Power》,相片中見到Ella一頭烏黑亮麗的黑髮、一雙空靈的大眼睛,妝容唔算過於濃厚,著上Chanel、RedValentino、Tommy Hilfiger等新裝,真係不得不用句有啲濫的「仙氣逼人」去形容佢!

圖片:STYLE

任晴佳雖為令人十分期待的星二代,但琦琦接受訪問時透露女兒其實唔鍾意影相,當日啱啱去到影樓時都有點害羞,不過好快就投入其中!據知Ella拍攝時亦相當有主見,唔需要名模媽媽監場指導。琦琦更笑說自己喺衣架後偷看被女兒發現,要馬上躲起來!

圖片:STYLE

據知Ella亦有興趣做模特兒,不過對於入娛樂圈則有所保留,因為其志願係做一個時裝設計師,視Angelababy及美國模特兒Gigi Hadid為偶像。

最靚星二代 任晴佳

Ella細個個樣已經好標緻,大個啲輪廓就出晒嚟!有時又會咀嘟嘟,好嗲o架!其實Ella自小已跟隨父母出席公開活動,更曾與媽媽一起登上時尚雜誌封面。

噚日,琦琦在微博上載多張相片,分享女兒生日派對的盛況,相片可見Ella遺傳了父母的優良基因,如今已變一位美少女,標緻五官相當出眾,笑容燦爛甜美,更像媽媽琦琦一樣擁有高佻身材,一雙修長美腿表露無遺,絕對有條件和媽媽一樣踏上天橋!

除咗Ella,以下呢5位星二代都遺傳咗父母最強基因o架!

王浩信 陳自瑤 囡囡QQ

爸爸王浩信高大靚仔,媽媽陳自瑤又靚又索,囡囡點會唔靚啊!4歲的QQ盡得爸媽真傳,眼大大咀細細,相當標緻!難怪早前王浩信出席活動,被問到會否生多個時話:「老婆品種優良,我會好好把握。」

QQ 2歲生日時,Vincent更張貼了幾張父母照,寫道Happy birthday my love! 而上年Vincent生日,曾表示收到囡囡的自製生日卡最sweet!

黃伊汶 陳國坤 囝囝陳真

黃伊汶亦喜歡在網上分享囝囝陳真的生活照,陳真深得型爸型媽真傳,擁有一對憂鬱電眼,更不時chok爆擺pose,俘虜大批粉絲。

陳真與梁浸浸感情亦非常好,經常結伴同遊 ,梁浸浸更送上香吻不少網民笑稱:難道婚事都要贏在起跑線?

郭晉安 歐倩怡 兒子郭令山

育有一子一女的郭晉安同歐倩怡,囝囝似爸爸,囝囝似媽媽,一家四口非常幸福!

甄子丹 汪詩詩 Jasmine

之前,汪詩詩上載咗一張囡囡上台表演緊嘅相,囡囡紮起晒啲頭髮同媽咪餅印一樣,仲唔係最強基因?

張兆輝 女兒張卓姿

育有一子一女的張兆輝,大仔在英國讀書,家中餘下兩個女人相伴,輝哥無時無刻都想黐實11歲細女卓姿,囡囡眼睛又圓又大,爸爸對眼就比較細長,但都好似樣啊!