余文樂親證太太有喜 狗年做老竇
廣告
36歲余文樂去年12月閃娶台灣「皮帶大王千金」王棠云(Sarah)，在澳洲墨爾本行完婚禮才公布婚訊，咁急結婚，其實因為王棠云陀住樂B雙喜臨門，今日余文樂親證太太有BB，恭喜晒！
原文：東方新地｜圖片來源：新傳媒圖片庫、余文樂IG、王棠云IG
余文樂 親證太太有喜
余文樂同台灣「皮帶大王千金」王棠云拍拖不足一年閃婚，男神封盤，唔少人羨慕王棠云成功箍實爛玩的余文樂，今日樂仔喺內地同任達華以及林家楝等人出席網劇《冒險王衛斯理》發布會，受訪時佢終於承認太太有BB，仲話之前一直冇講只係想保護佢哋！
余文樂拖太太出巡
余文樂同台灣「皮帶大王千金」王棠云（Sarah）拍拖不足一年閃婚，男神封盤，唔少人羨慕王棠云成功箍實爛玩的余文樂。早前《東方新地》拍得余文樂同太太Sarah同朋友到跑馬地醫肚，離開餐廳時，余文樂掛住同友人傾偈，行得好急，搞到身後的老婆要快步跟貼佢，肚凸凸嘅樂嫂似乎被老公冷落。
當被問到老婆適唔適應香港生活，樂仔仲肯答：「OK啦！」但被問到老婆係咪喺香港生BB？以及鍾意仔定女？他就立即封嘴，更拖實老婆急急腳走人。
雖然樂仔繼續對太太陀B一事保持緘默，不過Sarah最近又剪了短頭髮，令傳聞一直疑幻似真。
余文樂太太王棠云孕肚照曝光
日前Sarah與余文樂一家去泰國度假。身穿黑色寬鬆長裙的王棠云當天被傳媒拍下照片，6個月孕肚立刻現形！同時王棠云早前上載全身相，被眼利的網民看到「肚子凸出」！據知王棠云已懷孕6個月，預產期是6月。
照片曝光後，王棠云經理人表示多謝傳媒關心，可是藝人私人行程不便打擾。
