coffee

做孕婦瑜珈安胎 準媽媽Coffee自爆胎盤低盼順產

育兒

廣告

藝人林芊妤(Coffee)喺5月頭,先向大家宣布懷孕,成為準媽媽。不經不覺已經陀B7個月嘅Coffee,今日係社交網有感而發,大嘆「不是所有懷孕過程都是順利的」,又透露自己希望可以順產,但因為胎盤位置低,要視乎之後「B仔」的狀況及胎盤位置,才能決定是否需要開刀而感到失落。

撰文:Sunday Kiss | 圖片:Coffee89921@IG

做孕婦瑜珈安胎 準媽媽Coffee自爆胎盤低盼順產

不經不覺已經陀B7個月嘅Coffee,今日係社交網有感而發,大嘆「不是所有懷孕過程都是順利的,孕婦經常會遇上不同問題,例如妊娠糖尿或胎盤前置等等…難免不習慣有挫敗感和心情失落…」

Coffee又話自己仲可以自由活動,唔需要好似其他有相同狀況嘅媽媽一樣「臥床安胎」,已經屬於係比較幸運嘅「胎盤低媽媽」。

佢又透露自己希望可以順產,但因為胎盤位置低,要視乎之後「B仔」的狀況及胎盤位置,才能決定是否需要開刀,因而感到挫敗、心情失落。

不過,一向樂觀嘅Coffee坦言:「明白到不是所有事情也能控制的,現在的生活節奏也要慢下來了!做做簡單的孕婦瑜珈乖乖安胎,再等三個月就跟BB見面啦!」為自己以及一眾準媽媽加油打氣。

「不是所有懷孕過程都是順利的,孕婦經常會遇上不同問題。例如妊娠糖尿或胎盤前置等等,原因不一定是因爲媽媽問題,很多先天和後天的因素影響著。但因不是一般正常的孕婦,而要改變正常的生活和工作,難免不習慣有挫敗感和心情失落。而其實我也是胎盤低的媽媽,有很多媽媽告訴我她們要一直睡床,而我屬於較幸運還可以自由活動。但為免出血還是要比正常孕婦小心,如果到32週後胎盤還未上升,就是胎盤前置很大可能要剖腹生產。對於我一向打算自然生育,也同時活躍於自己的工作和生活,當然一樣感到某程度的失落。但明白到不是所有事情也能控制的,現在的生活節奏也要慢下來了,做做簡單的孕婦瑜珈乖乖安胎。再等三個月就跟BB見面啦!跟自己說聲加油!」

Coffee透露8月同老公歐遊度蜜月

日前出席活動個Coffee不忘放閃彈。佢透露8月份會同老公歐洲自駕遊度蜜月,仲會去齊法國、意大利、德國等地,話係兩夫婦最後一次享受「二人世界」。

被問到會否擔心旅途奔波,或「B仔」趕出世,佢就笑言,今次自駕遊由老公揸車,自己大部分時間都係坐喺度,應該問題不大,不過如果BB真係早咗出世就可能會做咗法國人!

Coffee拒做少奶奶 陀B堅持教瑜珈

林芊妤(Coffee)自從宣布懷孕並且下嫁才俊老公後,本來應該享清福做少奶奶專心養胎。不過熱愛瑜珈嘅Coffee就一心工作,堅持教瑜珈之餘,仲不時拍片大教「孕婦瑜伽」以及分享一系列陀B心得。Coffee想擁有自己事業不但止,仲揚言話揚言將來要同囝囝一起做親子瑜珈。

準媽媽Coffee陀大碼BB

藝人林芊妤(Coffee)陀B六個月依然四肢纖瘦不長肉,體重亦只是增磅至56kg。早前,Coffee在社交網上分享了一張BB超聲波相片,笑指相中BB捂臉仿佛在擺Oh My God的表情,佢又興奮留言:「今日黃凝醫生話我好叻,因為無咩點肥到,但個b竟然係大碼BB,長在胎兒不長肉,令我聽完最開心既係,知道肚腩仔健健康康!」雖然Coffee陀B一直未見肚,其實BB好健康,仲要係大碼BB添呀!

Coffee林芊妤首晒婚紗相 陀B五個月照樣弗爆出鏡

就喺稍早前,Coffee喺個人社交網上載咗與老公的婚紗相,圈外老公正面相首度曝光。Coffee以陀B五個月身形出鏡,不過佢唔講,根本都冇人知佢真係有咗BB。早前在接受媒體訪問時,Coffee表示自己由21吋變成了25吋,已經肥了好多。五個月依然維持住25吋纖腰,令一眾網民都嘖嘖稱奇!

林芊妤大哂幸福

2016年時公開與圈外男友翟志榮(Weng)的戀情,兩人拍拖以來一直感情穩定,雖然準老公一直未有露面,但早前Coffee就上載咗張二人甜蜜pre-wedding嘅相,仲留言話:「真實的生活其實很平淡,遇到能令你每天笑著過的人,就要好好珍惜眼前人。」

林芊妤手戴婚戒

其後,佢更分享咗張手戴鑽戒嘅相片喺個人社交網上,大哂即將做人妻嘅期待同幸福感,唔知張相係咪出自準老公之手呢?

林芊妤胎教影響強勁 超聲波相見BB做瑜伽

就喺稍早前,Coffee喺個人社交網上載咗張BB超聲波相,可能媽咪胎教太有效,令到bb喺媽咪肚入面都識得做瑜伽!喺相中見到,就算bb而家只得4個幾月大,但就已經腳仔長長,仲要做出一個類似「打關斗」嘅姿勢,真係遺傳哂媽咪熱愛做瑜伽嘅基因!

準媽媽Coffee 分享獨門「長胎不長肉」養生飲食法

1 少食多餐

好多孕婦誤解以為肚裏多了BB的關係,要食多點東西,加上自己變得容易肚餓,養成了多食多餐,但這樣反而會令自己長肉。孕婦變得容易肚餓,可能只是因為口味改變,想吃不同口味的食物,不一定是BB的關係。所以coffee建議大家肚餓時可以進食一些粗糧,例如麵包,麥皮等,其實就足以填滿肚餓的感覺。

醫生也有建議孕婦懷孕期間,不宜吃比平時更多的食物。

2 多進食綠色食物

相信不少孕婦都遭受便秘的困擾,可能是因為結腸運動減弱,骨盆底肌肉群張力減弱等情況導致排便有影響。而綠色食物都含有豐富的葉酸,葉酸是對於懷孕頭三個月的孕婦是十分重要,可有助BB的發展。

3 多飲湯水

很多時候孕婦並非真的肚餓,可能只是因為嘴饞。相比起一些垃圾食物,湯水會較為健康,而且能夠有飽肚的感覺。

4 適量進補

有些的補品太過油膩,令孕婦吸收從而長肉。

5 減少進食甜食

食過多的甜食會多機會導致妊娠糖尿,這樣會影響孕婦以及BB的健康。Coffee建議可以用生果來代替甜食,以免在晚上進食,從以減少脂肪在孕婦體內積聚。

6 比平時多喝水

孕婦需要比正常人多喝水,除了為免有脫水的情況,就是飲得太少水會令肚裏羊水變得混淆,而羊水會隔數小時就替換一次水,多飲水可製造一個更好的環境給BB。

7 睡前要進補養生

孕婦懷孕期間新陳代謝比較快,比正常人消耗更多能量,所以需要進食有營養的食物

8 多吸收鈣質

孕婦可多食營養補充劑,曬太陽或進食含有維他命D的食物,例如是魚,奶,芝麻等食物。而牛奶方面孕婦可飲脫脂奶,脫脂奶較為少激素,對BB和媽媽會更好。

9 多吃南瓜和蕃薯

南瓜可促進腸道消化,緩解便秘。而蕃薯可促進皮膚再生,美白孕婦和BB的肌膚。

林芊妤Coffee陀B照玩跑步機 晒零孕味身材

近日,陀B四個幾月的Coffee就去咗旅行,並於個人社交網上載多段短片,其中一段片中,見佢喺跑步機上慢行,而未有快跑。

但Coffee全副「武裝」上陣,面帶笑容嘅佢着住一身運動裝,大晒驕人事業線,兼露出一大截小蠻腰!

身材弗爆嘅Coffee繼續唔見肚。

林芊妤大騷纖腰

而另一段短片中,Coffee就話自己着到以前着唔落嘅短褲,其後更拉起上衣大晒肚皮,但仍見腹肌依舊存在!

雖然話著得番以前著唔落嘅短褲,但望住Coffee又唔覺佢身形有任何變化。