為入名校小3生轉校2次年年叩門兼搬屋 網民心痛孩子難適應

為求名校！3年2次轉校兼搬屋「大陣仗」

日前，就有網民在「香港討論區」以「讀名校真係勁啲咩？」為題發帖文集思，指她的朋友有一名讀小學三年級的兒子，為搏入名校，小朋友已轉了兩次學校。「原因係話想仔女讀好啲，佢小朋友讀嘅本身就係好普通嘅學校，之後朋友每一年都有幫佢個仔叩門。終於畀佢轉咗去間地區名校，以為朋友唔會再去叩門啦，點知佢都仲繼續幫小朋友周圍叩門，話因為而家果間冇一條龍。佢想個仔可以讀間一條龍嘅名校，咁到時升中又唔洗煩。佢仲計劃埋搬屋，諗住搬去名校校網區。」

但眼見朋友「大陣仗」，小學3年已轉了2次校，指小朋友會難適應之外，校服以及教材也需要重新添置，覺得反而有負面影響。「讀名校真係咁有必要咩？小朋友係咁轉校又會難適應啲，每轉一次校，校服果啲又要再買，要使嘅錢又多咗。為咗仔女讀好啲，有必要幾年轉一次校咩？讀名校又代表到啲咩？小朋友聰明勤力嘅話，讀咩都一樣啫？」

名校資源多、氣氛好有正面影響

帖文一出旋即惹來迴響，雖然入讀名校過程煩擾，但有經驗的網民就認為名校的確有不少優勢，例如學習氣氛、學校資源，以及運動種類等等，而在名校隺每個小朋友很努力讀書，絕對有正面影響。「同啲背景好嘅小朋友一同成長點都有着數㗎」、「受學習氣氛影響，會有良好嘅帶動」、「真心勁啲，無論心態及學習思維」、「學生嘅讀書氣氛會好啲，少啲機會去學壞」。

然而，都有其他網民認為讀名校是為了小孩將來的人脈更好，「其實冇咩分別，你到出嚟做嘢冇人會care你咩中小學出嚟，就算大學都係，除咗fresh grad第一份工，人脈就睇個人性格同際遇」。