功課

唔忍心囝囝做通宵 霸氣爸爸怒撕功課

育兒

廣告

不願小朋友成為功課奴隸嘅,唔止係香港家長。喺台灣,資深攝影師林清華尋晚(11/10)喺Facebook分享咗一張撕爛晒嘅功課相,如此「霸氣」嘅行為,係因為佢再忍受唔到個仔要做功課做到三更半夜!

撰文:Joanne 圖片:林清華Facebook(作者授權轉載)

抄書要抄22頁

一張撕爛晒嘅功課相,再加一句留給老師的說法:「老師,我兒子的課本及作業被我撕了,我叫他上床去睡覺,抱歉!」就已經感到到呢位爸爸當時嘅怒氣喇!林清華喺受訪時候表示,個仔升上5年級後,功課量有增無減,沒完沒了!最嬲嘅係,好多時都係做啲冇意義嘅抄寫功課。試過有一晚凌晨3點,林太起身去廁所,發現個仔間房仲着住燈怎,一開門囝囝趴咗喺書枱瞓咗,當時成枱都係功課,身為父母,見到咁嘅畫面,又點會唔心痛!

見到個仔啲功課日日都做唔完,第日返學又畀老師再罰做多啲,就好像循環利息一樣,個雪球愈滾愈大掃,根本冇辦法休息!於是林清華試過去學校同班主任反映,但係得到嘅答覆係「高年級功課壓力本來就比較大」!面對咁嘅教育體制,林清華認為不單止扭曲小朋友價值觀,亦都嚴種剝削親子相處時間。

 

「路不轉 我轉!」

至於點解要怒撕功課,林清華當時係同太太同個仔一齊,3個人深夜11點企喺書枱前,問個仔「你做唔做得晒?」阿仔擰擰頭。佢再同阿仔講:「我撕當佢,你就同老師講『我爸爸撕爛咗啲功課』!」點知第日收到老師嘅短訊,「教育方式可以再討論,但功課都係要交。」於是林清華覺得既然呢間學校放棄佢個仔,咁佢都放棄呢間學校。而家佢哋已經積極搵緊新學校。

林清華讚囝囝係個貼心,又會主動分擔家務嘅小朋友,1-4年班都仲好正常,但係一升上5年班就搞成咁!自問唔係要個仔做學者、考名牌大學,成績唔重要,只係希望個仔可以快樂成長。