Ella

慶祝囝囝兩歲生日 Ella擔心兒子大咗唔想同自己過

育兒

廣告

台灣女團S.H.E成員陳嘉樺(Ella),2012年同圈外男友賴斯翔婚後生咗個「勁寶」,仲不時係facebook分享佢地一家三口嘅生活照。話咁快勁寶已經兩歲喇,Ella呢日就為佢開咗個生日派對,仲喺Facebook發千字文回味呢兩年勁寶為佢地帶嚟嘅歡樂添!

撰文:Leo Fu| 資料來源、圖片:Facebook

Ella舉辦生日派對除咗邀請勁寶嘅朋友仔外,S.H.E另外兩位成員田馥甄(Hebe)同任家萱(Selina)都有出席。從圖片所見,生日派對似乎充滿著一隻隻綠色嘅恐龍。

據Ella透露阿仔近排鍾意咗恐龍,所以成個生日派對都以恐龍做主題,更有唔少紙板公仔可以影相,仲安排咗人着住件恐龍公仔衫現身,真係成個恐龍叢林咁呢!難怪Ella氹到勁寶咁開心,對住啲大恐龍又攬又錫!

Ella喺facebook仲感性地為巨寶寫下千字文回想呢兩年難忘既回憶:「勁寶生日快樂!兩年過去了,感謝你一直都那麼健康、那麼快樂。這兩年你學會了好多事,會說話、會唱歌、會跑、會跳,會緊緊的擁抱我們,會給假裝暈倒的媽媽一個魔法親吻,會倒數10、9、8、7、6、5、4、3、2、1、0,還會從1數到12,然後跳35、26…會說A B C D E F G,也會唱A B C D E F G…會跟我們說晚安,會記得每個家中成員的名字,會對手機喊:請問請問(他在跟Siri對話),會自己喝湯,會自己脫褲子,會發自內心的開懷大笑。」睇得出Ella對勁寶滿滿嘅愛同埋以學識咁多野嘅囝囝為榮!

Ella更感性地表達自己對囝囝既愛:「爸爸媽媽真的好愛你,謝謝你這兩年帶給我們那麼多美好。」真係睇文字都覺得幸福滿滿呢!充滿母愛嘅Ella仲話希望以後每一年都可以同阿仔過生日,不過最後亦搞笑地話:「屁啦!大概16歲以後就不想跟我們過了😞😫😭」真係養兒一百歲,長憂九十九呀!而家已經要為十四年後囝囝的生日擔心了!