哈七

哈七剪髮剪上癮 碧咸操刀扁嘴喊喊豬

育兒

廣告

早前碧咸為他的女兒哈七(Harper Seven)剪頭髮,寶貝女無詐型自己就扁曬嘴,明顯比女兒更心痛。近日哈七的髮型再次轉變,比之前髮型更短,網民還表示似足碧咸嫂Spice Girls時代的髮型。

撰文:TLY | 圖片:davidbeckham@ig、victoriabeckham@ig

哈七突破爸爸防線

傳聞多年來碧咸為保護哈七一頭如瀑布般的長直髮,希望囡囡的一把長髮可以留長到像迪士尼長髮公主一樣,不讓任何人剪哈七的頭髮!

所以哈七由出生至現在,都沒有修前頭髮,最多都只是修修髮尾。

早前,碧咸於Instagarm發佈相片,相片中碧咸扁晒嘴咁親自幫囡囡剪頭髮,仲留言「有人(哈七)看上去很快樂,有人(自己)卻一點也不快樂!」(Someone’s happy & someone’s not so happy),看來碧咸真的很心疼,但囡囡喜歡,做爸爸嘅點樣都要滿足!

 

迷你版維多利亞

7歲的哈七愈大愈有主見,剛剛剪了肩膊長度的髮型,又再次轉變,頭髮剪短至耳垂位置,似足媽媽幾年前的經典Bob頭。

碧咸嫂馬上分享囡囡新髮型,而相中碧咸冇再扁嘴,但未知今次哈七造型是石爸爸操刀呢?

清爽Bob頭嘅哈七帶住佢心愛嘅BB玩具出去玩,佢似乎都好滿意新髮型啊~

網民都表示,哈七嘅清新短髮真係超似當年媽咪維多利亞的Spice Girls時期啊!