單文柔晒BB相遭惡意攻擊 回覆被讚有禮得體、EQ高

單文柔晒BB相遭惡意攻擊 回覆被讚有禮得體、EQ高

育兒

廣告

單文柔陳展鵬半年內經歷結婚生女,今年4月,宣布寶貝女小豬比 (Quinta)出世,一家三口上載溫馨合照上社交網,接受大家的祝福。自小豬比岀世後,兩公婆不時分享小豬比可愛相到IG,不過二人至今未有公開BB正面照,日前單文柔上傳BB溫馨相,卻遭網友嘲BB冇面見人,面對惡意攻擊,單文柔未有動怒,反而好有禮貌且EQ高去回應,獲網友大讚!

撰文:東方新地 | 圖片:新傳媒圖片、instagram

單文柔分享BB相及育兒心得

單文柔日前上傳「小豬比」拿住玩具的照片,剛好玩具遮住BB樣貌,單文柔寫道:「之前唔想俾小豬比抓傷面,幫佢戴了手套,後來發現佢經常緊握拳頭,網上話啱啱出生bb神經系統未發展成熟,屈肌強於伸肌!後來按摩手掌心,俾佢接觸唔同物件,慢慢佢開始打開掌心,我又長知識了」

4月21日,陳展鵬終公開宣布女兒小豬比已出世,母女平安,而囡囡的英文名是Quinta。

一心想分享湊B心得,點知有網友留言批評佢同好多藝人一樣,一方面曬B,一方面又用emoji遮BB樣,仲話「怎麼啦?Baby冇面見人?」面對惡意批評,單文柔留言回應:「我很少回應對我評論,因為我尊重每個人的想法。其實我都是想家中長輩高興,家中有個小傳統,希望小豬比長到100日,身體再強些,才和大家見面。」單文柔和BB受攻擊,她未有動怒反而好有禮貌且EQ高去回應,獲網友大讚!

的確,單文柔多數都會用emoji遮住小豬比嘅樣,又或者多數畀個側面大家睇,不過呢啲係父母嘅個人選擇!

 

 

陳展鵬係好傳統嘅人,佢跟足中國人習俗不能讚初生BB,所以他之前接受訪問時話小豬比好曳:「BB係唔讚得嘅,所以佢係非常之曳,不過我哋依家已經 上咗手,小豬比一生出嚟好似Phoebe(單文柔),但十幾日後又有啲似我喎!」

陳展鵬接受訪問時透露, 雖然一早已上過堂學湊 B ,但 實戰時難免會雞手鴨腳,不過現在這個 奶爸已經上晒手。

湊好這個B

囡囡出世後頭幾日陪月姐姐未返 工,陳展鵬要落手落腳幫手湊女,兩公 婆更上網搵片學用包被,用包被緊緊包 實囡囡,使她以為自己仍在媽咪肚內更 有安全感唔會扭計。