囡囡第一聲「爸爸」 張繼聰：我真係喊咗！
廣告
謝安琪今年3月為張家誕下愛女張靖（Karina），老公張繼聰當然錫到囡囡燶，社交網站頻頻分享囡囡可愛片段。噚日，阿聰又再分享同囡囡互動嘅影片，但今次竟然成功紀錄咗囡囡第一次叫爸爸嘅一幕！阿聰仲話自己感動到喊咗出嚟！
撰文：Sunday Kiss
圖片：louischeung2013@Instagram
囡囡第一聲「爸爸」
片段見張繼聰同囡囡一齊趴喺床上面，阿聰一開始同囡囡講：「你叫爸爸先啦！爸爸！爸爸！」，但囡囡似乎冇乜反應，淨係對住鏡頭甜笑，之後阿聰繼續重覆「爸爸！爸爸！」，囡囡竟然突然撲向爸爸臂彎，化身怕醜妹！阿聰絕對冇因此而放棄，繼續期待囡囡「跟機」。可能因為呢份堅持感動到囡囡，佢竟然突然開聲講：「爸爸爸，爸爸」！阿聰即刻開心到「O晒嘴」，連作為觀眾都完全感受到佢果份喜悅！佢仲即刻錫咗囡囡一啖𠻹！Karina叻女呀！
好彩阿聰紀錄到呢個咁值得記念嘅一刻！我哋即刻去片！
阿聰不時都會同囡囡玩手機入面嘅特別濾鏡，呢次阿聰就記錄咗囡囡玩口水嘅一刻，阿聰自己見到都呆咗，仲話「小朋友永遠都有搶鏡嘅絕招」，十分搞笑！
雖然Karina好多時都一面呆萌，冇乜反應，但阿聰都繼續用行動表達佢有幾愛囡囡！
全家外遊
Job接Job的張繼聰近日終於能抽空全家外遊，今次仲帶埋7個多月的囡囡，他在社交網po一對仔女的食飯照，更留言大讚囝囝專業，囡囡精靈。首次搭飛機的張靖表現非常好，在機艙內乖乖瞓覺，在她的金色奶咀上反映了Kay的面容！而網民看到張繼聰所po的泳池照，一眼就認出他們去了峇里島，入住了當地最有名的酒店。
