蔡少芬

一個好媽媽!蔡少芬8個貼地教女方法

育兒

廣告

蔡少芬早前帶住兩個女張楚兒同張信兒參加大陸真人騷《不可思議的媽媽2》,喺節目裡面,觀眾可以見到蔡少芬同兩個女之間嘅關係有幾親蜜,從佢哋之間嘅互動,亦都可以感受到蔡少芬平時應該都係花好多時間去照顧兩個囡囡,所以對兩個女嘅性格都好了解!好多網民睇過呢個節目,都大讚蔡少芬教女有方!

撰文:Sunday Kiss 圖片:節目截圖

8個教女方法逐個數

1) 從不吝嗇讚美

喺節目當中,蔡少芬兩個囡囡楚兒同信兒,好多時都要合力去完成任務,或者接受一啲新嘅挑戰。所以每次睇嘅時候,好多時都聽到蔡少芬好肉緊咁同兩個女講:「你好棒哦!」、「你可以的!」、「媽媽對你另眼相看!」。 其實適當嘅「讚美」,唔單止係對小朋友能力嘅肯定,亦都係一種鼓勵,同埋推動力,可以幫助佢嘅建立自信心。

每次兩個女玩啲乜嘢,蔡少芬都會表現得比兩個小朋友更興奮,更肉緊,不停咁為佢哋打氣!

2) 願意向孩子說:「對不起!」

家長都會有錯嘅時候,但係有幾多家長會願意喺子女面前承認自嘅嘅錯誤?其實家長係應該為小朋友樹立榜樣,你應該都唔會想啲仔女死唔認錯㗎嘛?所以有時放低家長嘅權威,喺小朋友面前以身作則,反而會更加得到小朋友嘅尊重。就好似蔡少芬咁,佢喺食飯嘅時候,顧住同其他媽媽傾偈,忽略咗旁邊嘅信兒,令到信兒有啲不滿。

笑一笑,問:「咩事呀?」

轉個頭又繼續傾~

明明係佢同媽咪講緊嘢先嘅,點知成班阿姨插咀,令到信兒被忽略,所以就嬲喇~

第一次,冇效~

係我講先架~

第二次,都未掂~

最後出動埋「撒嬌」呢招,先哄得番細女~

另一個例子,擔心兩個女亂開門畀陌生人。

但係阿女話:你都冇教我要點做⋯⋯

發覺自己的確冇教過兩個小朋友點處理呢類情況。

所以主動道歉,亦都唔責怪兩個女。

3) 有問題,放手讓兩姊妹自行解決

如果育有多於一個小朋友,一定會遇到兩個細路嗌交,或者爭嘢玩嘅情況,咁遇到呢個情況,家長應該點做呢?蔡少芬就選擇咗等兩個女自己拆掂佢喇!

今次係細女信兒做領隊,可以決定所有節目成員嘅可以做啲乜嘢,兩個女同時想同媽媽一齊坐水上單車,奈何架單車就可以有一個乘客⋯⋯

偷聽佢哋會點解決⋯⋯

最後點解決呢⋯⋯

最後姐姐唔同妹妹爭,畀妹妹坐先~ 和氣收場!

4) 珍惜成長的階段

有啲家長會想由細就訓練小朋友獨立,唔好對父母過份依賴。但係小朋友會依賴父母嘅時間會有幾多?尤其是蔡少芬同張晉都係藝人,可以一齊陪住啲女嘅時間都唔多,所以佢哋都好珍惜同兩個女相處嘅時間。

所以喺節目裡面,經常都會見到三母女喺床上攬埋一齊,或者一齊傾密偈嘅畫面,感情真係好好呀!

5) 從錯誤中學習正確嘅教女方法

首次為人父母,好多嘢都要學,但係有咗頭一次嘅經驗,第二次就會知道應該要點做。好似帶小朋友出街,最擔心就係會走失,蔡少芬又會點處理呢?

為咗睇衫,唔見咗個女

6) 從小就教囡囡要保護自己

生女梗係多啲嘢要擔心,最擔心梗係個女會蝕底畀人,所以蔡少芬一早就教兩個女要保護自己,有咩事一定要大聲講:「唔好!」,唔好因為年紀細而唔敢出聲!信兒喺呢方面真係好聽教,不過亦都曾經鬧出笑話!

信兒有次搭地鐵,企唔穩,個頭撞咗落個女仔個Pat Pat度~

雖然係鬧出笑話,不過亦證明佢好聽教,媽媽教嘅嘢,佢都有記住。

7) 要為自己嘅行為負責

製作單位安排咗一個測試畀楚兒同信兒,就係搵一個陌生「姐姐」帶好多玩具去哄佢哋開門,當然蔡少芬事前已經同兩個女講好,無論點都唔准開門啦!

陌生姐姐出盡法寶,楚兒都唔肯開門,本來蔡少芬係覺得好安慰㗎!

點知個陌生姐姐一走,楚兒就開門,攞哂禮物入房。

蔡少芬見到,當然問楚兒點解要咁做啦~

當然,仲要話畀楚兒知,開門個嚴重性係乜嘢啦~

仲有一樣嘢,兩姊妹一定要互相幫忙!

互相保護對方!

8) 唔好覺得協調、讓步係犧牲

兩公婆都各有工作,但又想爭取時間照顧小朋友,當然要作出協調,時間有限,最取得平衡,家長平衡自己嘅心態都好重要!蔡少芬同丈夫就協調得好好喇!