好浮誇! 張柏芝細仔大讚媽咪：You are amazing!
廣告
一個湊兩個雖然唔簡單，但張柏芝非常享受湊仔樂，仲不時分享兩個囝囝的生活片段！日前柏芝上載細仔Quintus的短片，影片中，Quintus浮誇地大讚媽咪Amazing！搞到柏芝都忍唔住大笑！
影片中，Quintus瞓喺媽咪隔離，用英文大讚媽咪：”I Love you mom, you are the best mom!” 仲有晒表情動作，超級浮誇！搞到「扮瞓中」的柏芝都忍唔住彈起爆笑！
張栢芝囝囝貼心托頭又撩牙
張栢芝早前為公司業務而疲於奔命，即使抽到時間同囝囝食飯，但都難免攰到瞓著覺。雖然媽媽陪唔到囝囝玩，但係Lucus竟然冇扭計發脾氣，反而化身小暖男為媽媽托頭，等佢可以瞓得舒舒服服！
Lucas嘅貼心舉動全部俾攝影機記錄晒，栢芝醒來見到都覺得十分感動！因為只有10歲嘅Lucas竟然為媽媽用牙籤撩牙！栢芝將影片上傳Instagram，粉絲都紛紛大讚Lucas乖巧懂事，仲話栢芝屋企家教好啊！栢芝自己都留言話：「教我如何不愛你」！
睇返栢芝嘅一身衣著，佢應該係襯聖誕節帶咗囝囝去中環一個嘉年華玩攤位遊戲，仲贏到公仔添！
