棄養

媽媽力証寵物與孩子快樂共存|Pig Wing

育兒

廣告

唔知大家身邊有無養貓貓既朋友呢?如果有既又係父母的話,我估10個有10都會被人問過「咦,有左BB,咁貓貓點算?」其實,懷孕嗰時每次有人問起我都會唔開心。但係,就快成為爸爸媽媽或為人父母既你,如果真係選擇棄養,將來點樣教導你既子女成為一個負責任既人?

撰文&圖片:Pig Wing (蠔豉妹妹媽媽)| 編輯:Don

棄養迷思主要分3類

一直以黎,2隻貓貓(波子、薯餅)係我既命根,我真係錫到佢地燶!當然,我明白唔係所有人都會當寵物係家人。其實無養貓貓既朋友可能只係有誤解,所以先會認為貓貓對孕婦有害大致上可以分為3種親友~
棄養

1. 無乜原因,不過就係唔鐘意,或者聽到有人話貓貓對孕婦唔好~
2. 怕貓貓會有弓形蟲(弓漿蟲),導致流產或有畸胎
3. 養貓貓有好多貓毛飛,會令BB好易有哮喘
第1嗰樣我就唔探討啦因爲無可能要世上所有人都鐘意貓貓大家各有各自由啦 :)咁不如講下其餘2點~
咁不如講下其餘2點為左弓形蟲同氣管問題,我同老公都好努力咁搵下書、上網搵資料,因為咁樣先可以真係令關心我地同BB既人唔會再對貓貓有誤解。

孕婦養貓會感染弓形蟲?

簡單啲咁講,孕婦要接觸到一隻食生肉又初次感染弓形蟲既貓貓既糞便,而嚿便便必須已經排出超過一日,而糞便仲要直接接觸到個嘴!講得再淺白啲,一隻有弓形蟲既貓痾左便便後一日都無人清理,之後孕媽媽用手掂到貓便便後又唔清潔就將手放入口或拎食物進食!

我講到咁,我估大家都知,只要注意衛生,基本上感染到弓形蟲既機會係近乎零!
如果真係怕既,大家可以好似我咁,係懷孕期間,唔好處理貓貓既糞便~將呢個剷屎既神聖任務交俾一個你另一半/信任得過既人 :p
棄養

如果真係避免唔到要剷屎咁剷屎時帶個手套,之後剷完再清潔雙手,唔好接觸到個嘴~
我相信,大家了解完弓形蟲之後,應該都唔會再認為係懷孕時期養貓貓係一件危險既事 :p
想再清晰了解可以參考以下短片 : 按此

貓貓會令BB更易有哮喘?

係BB未出世前,我諗各位爸爸媽媽最在意既都係BB健康成長~
有人會因為怕BB易皮膚敏感,所以唔食芒果、海鮮,怕對BB唔好,但其實好多時都係孕媽媽心理影響多~
棄養

但之前我都有睇過,對於氣喘基因低風險的既BB黎講,係有貓既環境對有氣喘發生風險無顯著差別~而係氣喘基因高風險的BB,係有貓的環境中時,反而令其氣喘整體風險下降。
想了解更多可以到以下網站了解:按此

貓毛四飛有辦法?

至於貓毛周圍飛既問題,其實只要各位貓奴勤力啲幫貓貓梳毛就ok~貓毛甩得多既日子都係轉天氣既時候,好似春天既時間,可以既話就每日都幫主人梳毛!其他日子,隔1-2日梳都可以咁就可以一邊同貓貓促進感情,一邊減少貓毛四散一與兩得!
棄養

寵物可與BB快樂共存

係陀緊蠔豉妹妹期間,我家既2位主人都對我超好~以前佢地會當我個肚係地面,經常踩我個肚…但係懷孕期間,竟然一次都無!每次都會凌空跳過 :p
嗰時我就諗,唔知蠔豉妹妹出世後,2位主人會有咩反應?會唔會唔鐘意、唔開心?定係會好似2位大哥哥咁錫到佢燶?
棄養

到左蠔豉妹妹出世,頭1、2個月,波子、薯餅對妹妹無乜興趣,根本無可能影到一張合照!不過我並無因為咁而強迫2位貓主人要同蠔豉妹妹接觸,因為我都明BB呢種失驚無神郁一郁既生物真係唔好野 :p
但到左3個幾、4個月既時候,佢地接觸真係多左好多!我好慶幸自己可以成為波子、薯餅既主人。我相信佢地會同我一樣好錫蠔豉妹妹!有2位貓主人默默係旁邊守護住真係好幸福~
下次可以再分享下貓主人同蠔豉妹妹既趣事~不棄養!貓b共融 🙂

 

Pig Wing (蠔豉妹妹媽媽)

熱愛交流心得的全/半職爸媽們

加入Zolar分享生活體驗,可獲產品試用/折扣、曝光機會、廣告合作、培訓交流!

📝立即報名
(名額有限)➡ http://p.nmg.com.hk/fbboki

關鍵詞
爸媽心聲