孫慧雪湊B鍛練背肌 巨B三個月達20磅
廣告
靚媽孫慧雪自今年7月誕下囝囝Riley，頻頻有喺社交網站同大家分享囝囝近況。仲記得雪雪之前分享Riley未夠兩個半月大就已經17磅，事隔半個月，囝囝已經成功增磅至20磅！唔怪得雪雪話自己嘅背肌同「手瓜」已經非常發達！
撰文：Sunday Kiss
圖片：snow711@instagram
囝囝增磅至20磅
雪雪噚日分享同囝囝Riley嘅合照，向大家宣佈：「Riley Bi豬三個月已經去到20磅啦！」。相中見Riley生滿一頭濃密黑髮，肥肥白白又手長腳長，真係完全唔似只係得三個月大！多得囝囝，雪雪仲話自己已經鍛練到發達嘅背肌同「手瓜」，實行一邊健身，一邊湊B！
網民紛紛留言話Riley大咗好多，又分享自己小朋友嘅體重俾雪雪做對比。不少人大讚囝囝可愛，又似足爸爸咁高大！
唔少人覺得Riley係爸爸Edwin嘅餅印，相信一頭濃密黑髮同高大身材都係遺傳自爸爸。
雪雪亦貼出自己嘅童年照問大家：「唔似我咩？」，雖然大家都老實話似爸爸多啲，但都有鼓勵雪雪話：「佢眼神似你」、「生多個就會似你」、「下一個女似你就行了」。
