張栢芝攰到吃飯瞓著 囝囝貼心托頭又撩牙
廣告
張栢芝向來同囝囝關係親密，亦經常同大家分享囝囝嘅可愛舉動。日前，栢芝又再次分享大囝Lucas嘅甜蜜舉動！原來栢芝最近日忙夜忙，攰到連食飯都會瞓著覺！點知囝囝竟然貼心咁幫媽媽托頭，仲做咗一個超親蜜舉動，連栢芝見到都非常感動呀！
撰文︰Sunday Kiss
圖片：cecilia_pakchi_cheung@instagram
張栢芝囝囝貼心托頭又撩牙
張栢芝近日為公司業務而疲於奔命，即使抽到時間同囝囝食飯，但都難免攰到瞓著覺。雖然媽媽陪唔到囝囝玩，但係Lucus竟然冇扭計發脾氣，反而化身小暖男為媽媽托頭，等佢可以瞓得舒舒服服！
Lucas嘅貼心舉動全部俾攝影機記錄晒，栢芝醒來見到都覺得十分感動！因為只有10歲嘅Lucas竟然為媽媽用牙籤撩牙！栢芝將影片上傳Instagram，粉絲都紛紛大讚Lucas乖巧懂事，仲話栢芝屋企家教好啊！栢芝自己都留言話：「教我如何不愛你」！
睇返栢芝嘅一身衣著，佢應該係襯聖誕節帶咗囝囝去中環一個嘉年華玩攤位遊戲，仲贏到公仔添！
