張繼聰阿Kay瘋狂配合 細女張靖「好飲得」
廣告
藝人張繼聰、謝安琪（Kay）除了不時放閃彈外，兩夫婦工作再忙都一定會抽出時間配一對寶貝仔女。最近，阿聰上載咗同囡囡張靖(乳名KaKa Ball)外出食飯的一段短片，片中張靖學識同爸爸媽媽Cheers飲勝，食飯時主動拎住水樽瘋狂Cheers，阿聰就搞笑留言：「一餐飯cheers廿次……最少」。
撰文：Sunday Kiss | 圖片：張繼聰IG
張繼聰阿Kay瘋狂配合 細女張靖「好飲得」
張繼聰、謝安琪（Kay）細女張靖（Karina）不知不覺已經1歲了，平日跟著哥哥牙牙學語非常得意。最近，阿聰在社交網上載咗囡囡一條非常有趣的短片，片中張靖主動拎住水樽要求同爸爸媽媽輪流逐個Cheers，Cheers咗三四次之後，張靖依然「固執」地要求Encore。阿聰同老婆謝安琪、工人姐姐三個大人都無法阻止佢，場面非常搞笑。
爸爸阿聰亦搞笑留言：「一餐飯cheers…廿次……最少」。囡囡呢個可愛舉動引來一眾深有同感的網友留言，「這是每個小朋友同家長都必經的階段」、「我個囡都係咁架，不停cheers但自己唔飲」…亦有網友笑言「Daddy就咁俾個女用水「灌醉」左」、「識飲一定咁樣飲」、「到底佢響邊度學識cheers呢一樣野」…
張繼聰因狗狗呷醋
近日，張繼聰於個人社交網上載幾張囡囡張靖(乳名KaKa Ball)同愛犬一齊嘅相，見到隻狗狗體形大過KaKa Ball幾倍，但KaKa Ball一啲都唔驚，仲成個頭挨落狗狗個身到又錫錫，兩者非常親密！
而爸爸張繼聰可能因為囡囡唔理佢，反而去同狗狗一齊傾計，結果唯有在相中酸酸的留言話：「有咩咁好傾呀兩位小姐？」
張繼聰囡囡為零食嗌爸爸
之後，張繼聰又再度分享一段囡囡嘅短片，片中佢問呀囡要唔要食嘢食，而得意到暈嘅KaKa Ball擺出一副極之楚楚可憐嘅樣，邊點頭邊係咁嗌爸爸、爸爸，睇到人心都軟哂，難怪連爸爸都冇哂佢符，緊係要俾零食囡囡啦！
個女得意到咁，張繼聰都要留言講句：「唉，你話吖，點抵擋呀？」，就交網友都話KaKa Ball太萌，段片連環睇左十次！
