張頴康年尾忙拍戲 麥雅緻影相解相思
廣告
張頴康出晒名係「愛妻號」，不過臨近年尾係娛樂圈旺季，即使屋企有新寶貝都冇辦法抽時間陪伴。身為老婆嘅麥雅緻為咗一解老公嘅「相思愁」，佢就瘋狂影相俾老公，等佢可以放心啲，真係好貼心呀！
撰文：Sunday Kiss
圖片：張頴康 麥雅緻 專頁@Facebook
張頴康年尾忙拍戲
麥雅緻（Angie）話老公最近都好忙，日以繼夜咁拍劇，相信都冇咩時間返屋企陪一對仔女。為咗令老公可以放心工作，Angie話自己都經常影相俾老公睇，一解相思苦。不過要幫小朋友影相係一門大學問，要小朋友乖乖坐定定影張相都唔容易㗎！見相中小花生打晒喊露，而小豆又似乎有啲不耐煩，想自拍一張靚相真係唔易！
小豆著住公主裝真係好可愛，不過Angie話小豆其實係有啲唔耐煩，因為媽媽阻住佢扮公主喎！
小豆都話識自己望鏡頭，但小花生就俾其他嘢吸引住，冇望到鏡頭！
麥雅緻就話呢張小花生打喊露嘅相好搶鏡呀！
網民就紛紛留言話細佬小花生生得好似小豆，大家又認唔認同呢？
