張頴康

【愛妻號】相識11週年 張頴康:揀多次都會娶你!

育兒

廣告

張頴康出晒名係「愛妻號」,佢同太太麥雅緻亦都經常係社交平台到晒恩愛。呢日張頴康喺社交網站話同麥雅緻已經相識11年,仲話如果再揀多次,都會娶佢做老婆,真係好sweet呀!

撰文:Kammy | 圖片來源:Instagram

張頴康:揀多次都會娶你做老婆

張頴康麥雅緻兩夫婦自從生咗2個小朋友之後,一家四口相當幸福。張頴康喺社交網站發佈咗幾張同老婆嘅合照,話1月4號係佢哋兩夫婦相識11週年嘅日子,佢仲留言話:「2008年1月4日,我哋第一次通電話,睇戲,約會!假設12年前,我哋由小學一年級開始相識,拍拖直到今日,我哋就中學畢業喇!如果俾我再揀多次,我一樣會決定喺四年後大學畢業即刻娶你做我老婆!我愛你❤️」真係非常幸福啊!

張頴康除咗打愛的宣言,亦上載咗多張同太太拍拖時期嘅照片。

太太:你令我人生完滿

另外,太太麥雅緻一直在無綫擔任主持工作,早前佢除咗透露自己會主力照顧小朋友外,當中更含有愛的宣言,多謝張頴康對自己的了解,「TVB帶給我很多人生難得的機會,體驗,感受,更讓我認識到我的『對的時間,對的人』。張頴康讓我的人生完滿,雖然偶有小爭執,但那都是沒傷害到感情的了解。組織了家庭後,不想錯過孩子的童年時光,陪伴,是給孩子最珍貴的禮物。」