岑麗香

懷胎6個月未見肚 準媽媽岑麗香被封為「最火辣孕婦」

育兒

廣告

「香香公主」岑麗香於2016年下嫁圈外男友強強,第二年就傳出喜訊,岑麗香至今陀B六個月,但依然未見肚,樣貌、身材通通冇走樣,難怪被網民封為「最火辣孕婦」!

撰文:Kayla|圖片來源:Instagram

岑麗香早幾日喺Instagram上分享幾張相片,相入面佢著住一套粉姐色低胸晚裝,身材佼好,完全唔似已經陀有6個月大嘅BB!岑麗香留言,「要記住自己凡事可行,並要善待自己」,未知係咪解作準媽媽一定要好好對待自己呢?

 

在 Instagram 查看這則貼文

 
Eliza Sam 岑麗香(@heungheungeliza)分享的貼文 張貼

相片一出,引來唔少藝人同網民留言,例如蔡思貝、鄭欣宜、陳煒等等,都大讚岑麗香「美麗兼超火辣」,網民更將佢封為「最火辣孕婦」添。

岑麗香宣佈預產期

岑麗香上月出席活動時向大家透露即將成為人母的喜悅,岑麗香當時懷孕5個月。被問到為何之前在活動中不承認懷孕,岑麗香表示因為最近經常四圍飛,想將喜訊先向家人分享,不希望家人透過新聞才得知自己懷孕的消息,為此感到不好意思。

岑麗香亦透露懷孕初期有點不太舒服,認為是因經常坐飛機或時差問題而感到特別疲倦,不過她和老公得知懷孕都非常興奮。

保持神秘唔睇BB性別

岑麗香表示想給驚喜自己,就算產檢都叫醫生遮住BB重要部位,佢笑言希望自己忍得到。岑麗香表示當初計劃結婚後兩年才生BB,現在「夢想成真」非常感恩。

結婚一周年去馬爾代夫

岑麗香同老公強強上年拍拖去馬爾代夫,喺當地享受陽光海灘,順道慶祝結婚一周年。岑麗香在社交平台分享泳衣照,雖然未有穿上火辣的三比堅尼,但有靚景和香香甜美笑容一樣吸引,而日前出席活動時透露老公送咗手鈪畀佢做禮物!

岑麗香笑指小時候看得鯊魚題材的電影多,所以一落水就好驚,不過今次找了專業教練學潛水,試過潛到11米水深,真的看到鯊魚、海龜和珊瑚,她笑說:「最初落水時好緊張,不過有老公陪着,又有教練指導,之後心情變得輕鬆了。」

岑麗香還大讚老公夠體貼又sweet:「他知道我做藝人不可以曬得太黑,每當猛太陽時,他會用身體為我擋太陽,真是大隻好遮蔭!」

在海邊大晒美腿,認真寫意。

其中有部分靚相仲係由老公強強視角出發,為靚靚人妻留下最美一刻,超sweet!

這張由老公強強視角出發的牽手蜜照,真係甜到漏!