戒啜手指

我的 戒啜手指 血淚史

育兒

廣告

有啲小朋友好鍾意啜奶咀,而沙律妹就好鍾意啜手指,仲要一啜啜咗5年,呢5年,爸爸媽媽用咗唔同的方法去為沙律妹 戒啜手指 ,但無一次成功,不過最近終於都無啜啦!希望沙律妹可以保持落去啦!首先講下沙律妹有幾鍾意啜手指先!

 

話說沙律妹由出世第一日已經識得啜手指,仲指定係啜右手手指公。

到6個月大時,飲緊奶都心癮起,一於左奶樽右手指,索性兩樣一齊進行!

BB時期,沙律妹唔鍾意啜奶咀,比個奶咀佢,佢會bu返出嚟!但到咗3歲11個月大,因為手指公啜到損咗流血,逼佢用奶咀,睇佢幾享受!

食食下飯都繼續啜

不停想法子幫佢戒啜手指,連鎖個人護理店有售嘅寶X手指水,雖然沙律爸媽都試過,確實苦過Dee Dee,但就算臨瞓幫佢搽咗都好,第二朝一樣見到佢含住隻手指。其餘老人家教嘅白花油、辣椒油,甚至去藥房叫店員介紹話包得嘅德國某某不知名手指藥膏,一樣被沙律征服!

下頁:到底沙律妹用咗啲咩方法戒啜手指呢?

睡夢中又啜

明知佢貪靚,就幫佢搽指甲油,話佢知啜指甲油係有毒嘅,諗住可以令佢唔啜,可惜佢會偷偷地刮走右手手指公嘅指甲油,或者冒住生命危險都要照啜!

唔係點緊煙,係用左手掩護,啜緊右手手指公,寧比人知,莫比人見!

由細啜到大的右手手指公!到底媽咪用咗咩方法令沙律妹戒咗佢呢?

卒之,登登登櫈,無意中喺吉豬島發現呢枝苦苦藥膏,喺絕望之中姑且一試。其實唧出嚟好似普通hand cream,味道無寶x手指水咁苦,每次唧一粒紅豆size嘅份量就夠,每晚用佢搽咗手指,沙律妹就keep住全晚都唔會啜。 用到支藥膏就快用完,沙律妹已經可以唔搽藥膏都無放手指入口喇~~ 五年幾嘅習慣終於戒甩咗!