文頌嫻

文頌嫻 like本地學校

育兒

廣告

唔少家長都話唔想小朋友太大壓力,太多功課,所以能力許可嘅,都話首選國際學校,但係偏偏 文頌嫻 就唱反調喎,你又知唔知點解呢?

想讀本地學校磨練

現就讀St Catherine’s國際英文幼稚園K1的Jamie,屬於觀察型學生,性格慢熱,初到陌生的地方,要停一停,望一望,覺得安全才會投入環境,讀了K1 大半年後,性格變得social,說話好多,返學生活愉快。不過,身為嚴母的文女,不主張輕鬆快樂學習,打算安排囡囡入讀本地學校,「我鍾意做啲有難度嘅 嘢,有難度先有成功感。」

讀本地或國際學校也好,沒有一條肯定最好的路,一切因人而異,文女認為本地學校的學生不一定輸給國際學校,「最近係聽到好多自殺新聞,大家睇到嘅只係小部 分,讀國際學校就一定冇人自殺?本地學校都有好多好學生,好唔好係睇你點教,家長未必知個小朋友潛質去到邊,點解家長咁驚仔女唔得,所以俾條容易嘅路佢 行?只不過好多人驚派位,唔知會派到邊間,覺得好煩。國際學校唔使補習咩,都要補番中文啦,學校少功課,補習有功課,咁咪一樣。」

就教育問題,兩公婆有意見分歧,「老公就想國際學校,但老師話Jamie可以讀本地學校㗎,佢都坐得定、好聽老師話,操行分都好好,同學想攞佢嘢,佢都好識保護自己。」對於囡囡的將來,文女不求「望女成龍」,只求她不要做「公主」,「十個有九個都鍾意《Frozen》,佢就係唔鍾意嗰個,佢都有睇,但睇一陣『Let it go, let it go……』佢自己都go埋喇。」

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。