日本細路 打麻雀 成績仲好咗

撰文：Irene
圖片：網上來源

日本東京電視台一個綜藝節目，其中有一部分專講「奇特育兒術」，最近講到有班小朋友放學後唔係去補習，亦唔係去上興趣班，而係去 打麻雀 。10歲嘅小雪係其中一個，佢由5歲開始 打麻雀 ，唔單止冇影響成績，仲愈打成績愈好，考試成日攞100分。佢媽媽本身喺日本著名大學慶應義塾大學（Keio University）畢業，好支持囡囡 打麻雀 ，咁佢先可以持續學咗5年。

小雪睇落同一般小學生無異，實則 打麻雀 年資已有5年。

呢個麻將教室由小學生至大學生都有，大家坐埋一齊「切磋」。

小雪媽媽話囡囡學咗 打麻雀 後，集中力同觀察力都好咗，考試仲攞滿分。

打麻雀 係小雪一家嘅親子活動。

麻將老師學歷都好高，包括日本第一學府東京大學嘅學生。

日本父母覺得俾小朋友 打麻雀 有唔少好處，除咗訓練集中力同觀察力，令佢哋上堂更專心，轉數亦更快。睇完之後，爸爸媽媽對小朋友 打麻雀 有冇改觀呢？