陳柏宇

【晒女狂魔】陳柏宇囡囡Abi公開「有深度」中文名

育兒

廣告

歌手陳柏宇(Jason)自囡囡Abigail上月出世後,愛女心切嘅Jason眼中只剩下前世情人,瘋狂影低囡囡搞鬼表情同大家分享,又不時整蠱個女,有網民「統計」過自囡囡Abi出世十幾日內,Jason已瘋狂上載近50個Posts。呢日,Jason又同大家開心分享愛女的中文名。

撰文:C | 圖片:陳柏宇Instagram

【晒女狂魔】陳柏宇囡囡Abi公開「有深度」中文名

初為人父嘅陳柏宇已經變身成為「晒女狂魔」,呢日Jason又喺社交網繼續瘋狂Po囡囡相,就喺啱啱佢開心宣佈囡囡Abi終於有中文名啦!佢用囡囡嘅帳號abigail chan留言話:「i now officially have a chinese name!!」,正式宣佈囡囡取名為「陳羿辰」!

又網友搞笑留言:「咁深嘅字爸爸會唔會唔識寫架」、「越睇越覺得係假嘅」

陳柏宇想做「奶爸」 符曉薇:「條粉腸…好在個女唔理佢」

囡囡Abigail先得10幾日大,Jason已經喺自己IG,以及佢幫囡囡開嘅IG,上載近50個Posts。

Jason上載幾張連環圖睇落真係幾似囡囡自己著衫「Abi大個女喇,自己識著衫喇!」不過,走光露點啦爸爸,人地女仔嚟架!

連陳柏宇太太Leanne都頂唔順,上載Jason錫女相,留言話:「你可唔可以唔好成日痴住你個女塊面?佢敏感你就知死﹗」

日前,Leanne 喺IG Story大爆Jason最新力作,短片中Jason脫掉上衣半裸手抱囡囡Abigail。然後將囡囡個頭靠近自己乳頭,最終被Abigail用手仔「無情」咁推開。

Leanne表示無眼睇,留言話:「條粉腸俾自己乳頭個女,好彩個女唔理佢。」雖然爸爸整蠱個女呢個舉動有啲「過分」,不過兩父女多啲肢體接觸、close啲其實都幾溫馨呀。(正常爸爸切勿模仿)

老婆大讚:「100分老豆同老公」

有佢係度,我又真係輕鬆好多。餵奶換片氹訓覺佢全部都做。真係100分老豆同老公!

自爆「爆笑」生產經過 陳柏宇太太:「條粉蛋喊到豬頭咁」

Leanne日前於社交網分享囡囡出世當日嘅「生產記」,佢留言話:「首先25號9點幾起身痾尿,點知好似唔識停咁,仲有少少血,心諗呢啲會唔會叫做穿羊水呢,我仲喺廁所大叫陳廣偉(Jason),點知條粉蛋以為我叫佢執屎執尿,佢扮聽唔到繼續瞓覺。」

穿羊水 | 陳柏宇懶理:「拍戲嗰啲唔係咁」

見老公繼續瞓唔理自己,Leanne唯有自己打畀醫生求助,醫生聞言即叫佢入院,然後:「我入房拍醒條粉蛋,出門口嘅時候我仲同佢講,攞埋個走佬袋出去,點知佢同我講話唔使,佢話唔似有啲乜,人哋拍戲嗰啲唔係咁,如果真係要生嘅先返嚟攞,最弊嘅係我竟然聽佢講。」

陳柏宇陪產 不忘搞爛gag

安全到達醫院之後,去到醫院姑娘檢查完確實係穿羊水,即刻call醫生返嚟接生。

 

Jason當時仲以為老婆未省得,好得戚咁同姑娘開玩笑:「條粉蛋仲同姑娘講,乜同拍戲咁大分別嘅,乜穿羊水咁平淡,姑娘同佢講嗰啲係做戲。之後入到手術室門口,條粉蛋換完套藍色手術室衫出黎,好正經同我同姑娘講,你好我係今日嘅醫生,呢個時候麻醉科醫生行過嚟,同我哋介紹自己,點知條粉蛋好厚面皮咁講,原來你係醫生,我以為我自己係醫生,啲醫生護士喺度好開心咁樣笑,仲同我講你先生好搞笑,我問番佢哋搞事定搞笑丫,之後我就推入手術室。」令Leanne哭笑不得。

陳柏宇陪產「喊到豬頭咁」

臨產一刻,Leanne開始好緊張,因為佢聽聞女人生B都要經歷超粗麻醉針同10級痛:「喺嗰個時候先開始緊張,因為聽好多朋友講打背脊嗰支麻醉針係好痛,啲醫生同護士好溫柔,一路叫我唔好緊張,話支針好幼 唔會痛。竟然真係唔痛,之後我下半身已經進入麻醉嘅狀態。」

「喺嗰個時候10分鐘唔使我個女就出咗世,成個過程我都唔係好感受到好痛的感覺。聽到佢(囡囡)喊果下真係滴咗幾滴眼淚,之後望佢條粉蛋(Jason)佢已經喊到豬頭咁。醫生仲問佢剪唔剪臍帶啊,佢即刻say no 。」

生B唔可怕 最可怕係…

最後Leanne仲話原來生仔並唔可怕:「手術半個鐘唔使就完成,原來生小朋友都唔可怕。最可怕係個老公日日夜夜對住你個女係咁影係咁影。」

陳柏宇「痴漢湊女法」 有女萬事足

自從B女 Abi出世後,陳柏宇日日夜夜都掛住湊女。老婆符曉薇形容「個女一出世就有個痴漢永遠跟著佢」

呢個男人真係好恐怖,佢自己影個女就算啦。仲要逼我幫佢同個女合照,你睇佢個樣幾滿意,你睇我個女個樣幾無奈。

符曉薇做母乳媽媽 嘆:「滴滴皆辛苦」

陳柏宇初為人父即變晒女狂魔 老婆醋意大發:「佢已經唔記得老婆姓乜」

陳柏宇晒一家三口合照 激動報喜

噚日,陳柏宇(Jason)喺個人社交網上載一張一家三口嘅溫馨相,激動留言:「我一見到佢就忍唔住喊!Abigail,i choose u!(throw out pokeball)」,正式宣布自己榮升做人父!

據知,昨日Jason太太符曉薇(Leanne)剖腹誕下囡囡,B女重5.2磅。喜獲小公主嘅Jason喺一日內就已經不斷更新自己個人ig,上載3張呀女嘅相!

佢隻腳板仔都幾大。

緊隨其後,愛女心切嘅新手爸爸Jason,更隨即為寶貝女開設專屬ig。Ablgail啱啱出世 先得1日大 就有自己嘅個人ig,一睇就知老竇有幾咁高興!

Jason更大方為愛女Abigail上載咗一張個人正面獨照,兩夫婦早有準備已為囡囡改好英文名。

陳柏宇升呢做爸爸 即變晒女狂魔

Ablgail嘅個人ig開咁短短接近兩日嘅時間,就已逾9千人追縱,認真犀利!

當然,喺Ablgail嘅ig度會見到老竇Jason不斷為愛女更新可愛靚相!

仲有片睇!

望著前世情人,Jason都忍唔住伸手不停同囡囡互動下。

提前報到的Ablgail,重5.2磅,算係細碼b,細細粒,頭仔得老竇個拳頭咁大咋。

每張相都配有老竇嘅精心留言,好似以下呢張,Jason就寫住:「roar(咆哮)!!」

陳柏宇為愛女開live 老婆都頂佢唔順:「痴線㗎」

昨日傍晚,Jason更急不及待為一日大的愛女開live,喺個live入面仲會聽到Jason嘅一堆bb話!一開場就聽到太太符曉薇喺旁邊講:「第一日有live,痴線㗎」,Jason自己都笑言:「我自己都未開過live」

喺live入面,Jason簡直係花痴狀態咁,360度咁圍住囡囡轉,不停對著瞓緊覺嘅Abi say hello。

玩玩吓,發現囡囡好多頭髮,仲好抵死咁笑囡囡「含發量」好高,一心想畀網民睇真啲bb嘅濃密頭髮,突然又發現囡囡換個角度睇,頭髮好卷,好似「黑人」。

為咗畀粉絲一睹囡囡開眼樣,Jason不停同囡囡Say hello,又搞笑咁叫囡囡起身:「起身啦,夠鐘返學啦」氹到喺旁邊嘅Leanne不知幾開心。

然後,Jason又講到囡囡15分鐘後將迎來「人生第一餐」,不過就用好可惜嘅語氣話「餵奶無得開live,仲要係餵人奶」,相信在旁的Leanne望著花癡狀老公,應該相當無語。

老婆隔空呷醋:「佢已經唔記得老婆姓乜」

雖然愛女還愛女,都唔可以唔理個老婆嘅 !Jason老婆都頂唔順老公淨係掛住理個女,結果Leanne就上載張老公甜望囡囡嘅相,留言:「Welcome to the world Abigail 係今日開始陳生眼入面 已經被另一個女人霸佔左 佢已經唔記得咗佢老婆姓乜」老婆擺到明呷梗醋喎陳生!

同時,有網友搞笑留言話:「你睇下佢短短一日post 左幾多個 果個女人張相」Leanne都回覆嗰位網友,指:「你睇到個重點了」,醋意極濃!

話雖如此,Leanne都知老公係錫個女係件超甜嘅事,皆因Leanne都喺自己個ig晒出Jason抱住B女甜笑個樣,相信呢位新手媽咪同人妻自己見到呢個畫面都覺得好冧嘅!

當爸第二日 頭號任務:繼續晒女

今日Jason又繼續晒女,並留言:「day 2 of my escape.」似乎意指見到囡囡就係「Escape」,可以幫佢逃離工作上嘅忙碌日程,有心靈治療嘅感覺!呢位新手老竇堅冧到爆燈!

呢位新手爸爸已經好熟手啦。

我家公主今日笑過兩次。兩次我都影唔到。真失敗