林盛斌想同吳若希對親家 女家：摸下大髀都要7位數字！
撰文：TSY，Kammy｜圖片來源：林盛斌@Instagram、吳若希@Instagram
林盛斌細仔與吳若希囡囡公然泳池談情
早前，林盛斌在Instagram上載了一幕令人面紅耳赤的年輕男女約會照片，原來主角就是BOB的兒子Jaye與Jinny女兒淼淼，而淼淼一直都備受保護，今次更是小少有的正面相，不少網民都大讚她很可愛！相中見到，Jaye帶著點憂愁看著水面，但卻一手摟著身旁淼淼的香肩，再把另一隻手放到她的大腿上！
林盛斌網上對親家
照片公開後，林盛斌隨即在網上公開對親家，更叫「襯家」Jinny禮金方面「收順少少」喎！他又引用Jinny嘅名句「點解嘅？」來幫二人加上創意對白：
Jaye：喂，靚女，以後跟我！
淼淼：點解嘅？
Jaye：我要初戀呀！
淼淼：點解嘅？
女家要貝沙灣三房單位
但要抱得美人歸又談何容易？吳若希老公何兆鴻（Alex）看到該POST後便馬上留言：「貝沙灣3房單位走唔甩～工人司機助手加7位數字現金應該無咩難度。」而老婆Jinny亦隨即夫唱婦隨表示「摸完大脾呢條數都係基本嫁啦」，不知道Bob看罷會有何想法呢？！
「泳池之約」陣容龐大
原來當日「泳池之約」並非只有Jaye與淼淼，是男女家的一眾親朋戚友都到場了！人數足足達十三人，真的人才濟濟，非常熱鬧。
常有仔女靚相
而BOB和Jinny原來都會一直在社交網站跟粉絲開心Share仔仔女女的靚相，真的是郎才女貌。
同林盛斌林盛斌對親家被索厚禮金陳敏之：我點會出手咁低呀
其實林盛斌都不是第一次公開跟其他藝人對親家，早前揚言要同陳敏之「對親家」，仲向敏之索超厚禮金添！當時阿Bob一家同陳敏之一家一齊打邊爐，期間敏之囝囝子樂被安排同阿Bob三女機機坐，點知敏之突然話：「子樂好似睇中咗機機咁」，阿Bob仲叫佢哋兩對望，子樂隨即大放電眼！
子樂望完一次都唔夠，仲主動咁去望多機機一次，成班大人即時起哄，不斷「Wow！」呢個時候，呢兩位小朋友見到大人嘅目光，好似顯到有啲不知所措，怕醜嘅機機就偷笑，繼續低頭食嘢。
林盛斌：要三千萬禮金！
面對自己愛女畀人睇中，阿Bob更公開提出禮金要求：「三千萬禮金，兩層貝沙灣唔少過千五尺嘅」等，而敏之亦即時回應：「我點會出手咁低呀！閒閒地我都要機機做千億新抱啦！」
阿Bob嫂Pearl就話鍾意子樂活潑主動，仲已經得做，千億外母，睇嚟玩得最開心都係班大人！
