結婚3周年 葉翠翠公開放閃 感謝老公包容
廣告
葉翠翠與老公周曉東結婚已經有三年了，而且還在2017年時，誕下可愛的兒子。近日葉翠翠在Facebook 貼文道謝老公對她的包容，令她感覺好幸福。
撰文：Sunday Kiss
相片：葉翠翠 Ip Chui Chui@Facebook
葉翠翠近日發佈了她於老公的結婚照片，感謝老公每天都給她快樂，最重要的是非常愛這個家，而且還收到不少粉絲的祝福。一個男人，愛你，愛家庭，就算陀B有幾攰都值得啦！
時間過得好快，Facebook 彈了這張相出來。。謝謝這位大眼袋男士每天都給我快樂，非常非常愛這個家，對我有無限包容 (其實係成日比我蝦) 令我覺得好幸福！
Posted by 葉翠翠 ip chui chui on Thursday, 25 January 2018
疲勞過度險休克
葉翠翠月初宣佈懷第二胎，今年六月，大仔小王子就要做哥哥！婚後專注經營個人面書專頁，翠翠從藝人搖身一變成為美容兼懷孕達人，35歲懷第一胎、生完半年又已經極速追第二個，三年抱兩睇落容易，翠翠就話第一胎休息不足搞到第二胎妊娠反應極嚴重，為安胎唔敢接job，仲臥床足足兩個月。翠翠接受訪問時表示：「我陀第一胎時一直好多嘢做，生完又冇足夠休息，好似冇嘢，但係再懷孕時就發覺現晒形。成日見暈，有一次仲覺得想休克，好彩個人喺屋企……我有睇醫生，話係疲勞過度血壓低，所以俾自己喺屋企抖咗兩個月、唔敢接工作，更加唔敢抱個仔，直到過咗三個月胃口同精神至慢慢精神番。」
話就話唔接job，不過成功再懷孕，FB立即湧入海量訊息詢問懷孕秘技，卧床兩個月一樣冇停手：「真係有好多想懷孕或者不幸小產inbox我，佢哋的確需要幫助，可以做到我都好樂意分享資訊。呢個階段未知道係仔定女，其實仔女我都冇乜所謂，老公又冇俾壓力我。(再陀B有冇獎勵？)梗係冇啦！我生第一個都冇獎勵吖！我老公唔興呢啲，生日同紀念日唔提都一定唔會有禮物收。不過識佢第一日已經係咁，重點係只要我出到聲，佢係半夜兩點都會出去買雪糕俾我嗰種人囉！」
