胡杏兒

上海工作 胡杏兒泵定母乳帶回家 網民擔心會被安檢沒收

育兒

廣告

自從誕下Baby Lee之後,胡杏兒湊仔大過天,為咗俾BB嘅健康,更選擇母乳餵哺。不過日前杏兒第一次離開BB,到上海工作,除咗心裡掛住BB之外,仲擔心BB「無啖好食」!

撰文:Fiona
相片:胡杏兒 Myolie Wu

胡杏兒泵定母乳帶回家

胡杏兒帶著消毒器及所有用具到上海工作,希望把母乳帶回家給BB。佢仲話:「幸好酒店可以幫我冰奶,事前一切準備好,就不用擔心了!」

不過有網民就留言話要小心揼好的人奶帶機埸過安檢,因為冇BB同行,有機會俾人放入垃圾桶的!小編翻查國泰航空的「受管制及禁止物品」須知,列明不論嬰兒同行與否,餵哺母乳的媽媽所攜帶的母乳,只要擺放出來作保安檢查就可以。

另外亦有網民擔心母乳在運送途中可能會溶,就算溶咗少少都唔可以俾BB飲。另一位熱心嘅網民就話只要把母乳冰好,放入載滿冰包的冰袋,短途機應該不成問題。衛生署的網頁亦有提供儲存母乳資訊,只要把母乳放於加了冰種的冰袋 (15℃以下),可保存24小時。但緊記前提是要確保冰袋的溫度在15℃以下。