【極速修身】坐月湯水足仲瘦咗！董敏莉：冇刻意瘦身
廣告
藝人董敏莉喺去年佢生日嗰日，同時係生囡囡Martha嘅大日子，當時佢仲以「囡囡同我同月同日同磅數出世」咁形容，真係好有緣分！呢日，已經坐完月董敏莉就帶囡囡去打針，睇相見到佢仲係好瘦，完全唔覺得佢生完，佢自己就話冇刻意瘦身，但體重竟然輕咗4kg，真係令人羨慕呀！
撰文：Kammy | 圖片來源：Instagram
剖腹誕B女
董敏莉喺去年選擇喺自己38歲生日嗰日開刀生B。當初董敏莉第一次產檢發現自己有子宮肌瘤，令生產過程面對好大風險：「因肌瘤頗大阻礙產道，增加手術風險，醫生都講明有危險性，驚失血過多，有二千分之一機會要切除子宮，最終醫生盡力幫我止血，大小平安。」而丈夫亦入產房陪產為佢打氣。
與囡囡同月同日同磅數超有緣
董敏莉表示，雖然面對好多風險，但見到囡囡出世，一切都值得。「我專登揀同自己生日開刀，以後方便一齊慶祝，點知囡囡同我同月同日同磅數出世，真係緣分！」佢更表示會餵人奶，希望畀到最好嘅營養BB。
坐月後輕4kg
日前，董敏莉就上載咗一張囡囡笑得好開心嘅相，表示自己完咗30天嘅基本坐月，但坐完月竟然輕咗4kg！佢喺社交網站到話「這個月吃得清淡、營養均衡、湯水充足，沒有刻意瘦身，體重竟然輕咗4kg！」佢又指初初都有憂慮母乳不足，後來就搵咗通乳師幫手，加上自己有保持均衡飲食，所以囡囡都算食得飽：「見她笑得幾滿足就知。」
呢日，董敏莉就帶咗囡囡已去打預防針，睇相見佢嘅面容同身形同生之前一樣，手腳已回復纖瘦，真係完全唔似生完，收身速度十分快，令人羨慕！
