資優連跳兩級！？陳浩民太太擺烏龍 以為大女連跳兩級

昨日蔣麗莎喺微博上載咗大女陳雅薷嘅畢業照，並留言話六歲半的囡囡9月就入讀小三，唔少網民大讚囡囡叻叻。不過今日老公陳浩民就親自回應，原來太太蔣麗莎搞咗個大烏龍⋯

撰文：東方新地｜ 圖片：陳浩民微博、蔣麗莎微博、蔣麗莎IG、新傳媒圖片 （原文刊於：東方新地）

資優連跳兩級！？陳浩民大女 6歲半讀三年級？

陳浩民太太蔣麗莎話大女幼稚園畢業照，有一種好似即將送囡囡出國留學嘅不捨感覺！不過有心水清網民問點解唔係讀小一，蔣麗莎就回應網民囡囡係跳咗兩級，而且唔係7歲，而係6歲半！

大女獲網友大讚

去年成績表全部「表現優異」

蔣麗莎去年喺微博上載大女嘅成績表，見佢科科都剔咗星星嗰欄，代表佢「表現優異」，蔣麗莎梗係最開心，仲話屋企有個「學霸」：「想不到陳家出了一個『學霸』為你感到驕傲～戒驕戒傲，繼續保持！ ​​​​」

雅薷大女一轉眼咁大個，真係亭亭玉立！小編都相信好多家長好想知佢哋屋企教子女方法，點樣可以培育出咁叻嘅小朋友呀！

陳浩民親自澄清「老婆搞錯學制 純屬誤會」

不過事後陳浩民就否認女兒跳班一事，只是太太誤將英國學制當成香港學制。

女兒就讀國際學校採英國學制

陳浩民親自澄清女兒並沒有連跳兩班，只是一場誤會。佢表示，只是太太唔清楚香港學制，囡囡沒有跳班，純粹誤會！因為雅薷就讀國際學校，採用英國學制，跟香港學制有所不同，看來Lisa是把兩個學制混淆而產生誤會。

大女做小助手 陪媽媽出埠拍戲

大女雅薷年紀小小，但乖巧懂事又幫得手，今年6月蔣麗莎返內地長沙拍戲，就帶雅薷跟身充當小助手，大女幫媽咪手推行李拎嘢無扭計，蔣麗莎都忍唔住大讚佢！

蔣麗莎 教子有方

其實陳浩民經常留國內拍戲，湊仔女嘅重任當然交畀太太啦！睇番蔣麗莎嘅微博，都見佢平日親力親為湊仔女，甚少旨意工人姐姐，加上見佢經常一拖四帶小朋友周圍去都絕對冇難度，就知佢管教小朋友有一手！

陳浩民夫婦仲話想追多一個小朋友⋯

陳浩民雖然忙，但一返港會陪子女親子活動！

陳浩民 月租10萬天池屋

陳浩民與太太Lisa蔣麗莎五年抱四，早年已在國內崛起的浩民愈生愈旺，愈旺愈生，去年中全家由紅磡過千呎複式單位，進駐月租10萬的何文田半山壹號的天台特色泳池屋，事關間屋絕對可以滿足全家嘅需要。因為一來方便仔女在九龍塘返學，更重要的是四個子女都熱愛游水，近日天氣開始炎熱，Lisa就同仔女上天台游水，仲拍片影相放上社交平台開心share⋯⋯

近日天氣開始炎熱，陳浩民老婆Lisa就同仔女又再出動，齊齊上天台游水，仲拍片影相放上社交平台開心share⋯⋯

陳浩民成日留在大陸拍戲開工，但太太同四個仔女都不愁寂寞，因為留喺屋企都大把娛樂，近日佢哋就上天台做至愛嘅活動 — 游水！

無敵天池屋

屋內的實用面積有千六呎左右，未計天台及泳池，坐落山上居高臨下私隱度非常高，10萬月租對今時今日的陳浩民來說濕濕碎，仔女老婆住得舒適最緊要。

蔣麗莎：全家都鍾意游水

Lisa話搬呢個單位係有原因：「我哋依家住嘅係樓頂特色單位，有自家泳池，原因係我哋全家都比較喜歡游泳，我大肚8個月時，每週都游3次。再加上依家小朋友主要讀書範圍喺九龍塘，為咗佢哋每日有多啲時間睡覺，所以特意安排離學校近啲嘅地方住。」

老公辛苦搵錢養家，老婆負責照顧小朋友睇住頭家，Lisa連生四胎身材仍然弗到漏，搬大屋後隨時開工等生第五胎。

仲可以BBQ

除咗游水，仲夠位喺游泳側邊燒烤，真係足不出戶都冇問題！

陳浩民在國內開工的日子，Lisa全副精神照顧孩子，有空又會同子女夜晚上天台BBQ，甚至坐喺池邊食住甜品睇夜景，好溫馨！

睇完天台，唔少得睇埋室內，單位分上下兩層。下層客廳同飯廳好闊落，用落地玻璃窗，樓底又高。客廳的櫃放滿許多家庭照，好溫馨！

養一家六口（未計照顧小朋友的外傭姐姐），少個崩都唔得，陳浩民近年在國內密密做冇停手，Lisa就負責留港照顧小朋友，見她湊仔女絕不假手於人，接送大女與二仔返學放學再加課外活動，還有照顧仍未入學的三女與細女，Lisa這個萬能鐵人媽咪認真唔易做。

樓底高又用落地玻璃，夠晒光猛，放巨型聖誕節都唔會有壓迫感！

而下層都有長長的露台，最愛種植的Lisa放滿鮮花及盆栽，小朋友會幫手整植物盆景同淋水！

囡囡都會幫手剪雜草及收割果實﹐早前就有自家種植的紅椒！

一屋都係小朋友，為照顧他們平時已勞心勞力，但陳浩民與Lisa甚懂分配時間，也會預留拍拖時間，不會冷落另一半。

陳浩民在國內搵錢速度同印銀紙一樣快，生夠一隊足球隊都冇問題啦！